డీఎస్సీ ఉపాధ్యాయ నియామకాల్లో అక్రమాలు జరిగాయంటూ మాజీ మంత్రి రోజా తిరుపతిలో నిరసన తెలిపారు. మంత్రి నారా లోకేశ్ వెంటనే తన పదవికి రాజీనామా చేయాలని డిమాండ్ చేశారు.

వైసీపీ అధినేత జగన్ ఈ నెల 30న శ్రీకాకుళం జిల్లా పర్యటనకు వెళ్లనున్నారు. అంపోలు జైల్లో ఉన్న మాజీ మంత్రి సీదిరి అప్పలరాజును ములాఖత్ ద్వారా పరామర్శించి, అనంతరం ఆయన കുടുംബ సభ్యులను కలవనున్నారు.

చిత్తూరు జిల్లా కుప్పం పర్యటనలో నారా భువనేశ్వరి క్యాన్సర్ స్క్రీనింగ్ యూనిట్‌తో పాటు రక్తదాన శిబిరాన్ని ప్రారంభించారు. నియోజకవర్గానికి పరిశ్రమలు రప్పించి ఉద్యోగ అవకాశాలు కల్పిస్తామని ఆమె పేర్కొన్నారు.

డీఎస్సీ నియామకాల్లో అవకతవకలు జరిగాయంటూ మంత్రి నారా లోకేశ్‌కు వైసీపీ నేత పేర్ని నాని బహిరంగ సవాల్ విసిరారు. సీఎంతో చర్చకు జగన్, లోకేశ్‌తో చర్చకు తాను సిద్ధమని పేర్కొన్నారు.

అమరావతిలో దేశంలోనే తొలిసారిగా ప్రెసిషన్ ఆంకాలజీ క్యాన్సర్ సెంటర్‌ను ఏర్పాటు చేసేందుకు ఏపీ ప్రభుత్వంతో ఆస్ట్రాజెనెకా ఒప్పందం చేసుకుంది.

లైంగిక ఆరోపణలను ఖండిస్తూ తాను ఊళ్లోనే ఉన్నానని, పోలీసుల విచారణకు పూర్తిగా సహకరిస్తానని ట్రైనీ ఐపీఎస్ ఉదయ్ కృష్ణారెడ్డి తెలిపారు.