తిరుమల శ్రీవారి ఆలయంలో భక్తుల రద్దీ యథావిధిగా కొనసాగుతోంది. ఉచిత సర్వదర్శనం కోసం వచ్చిన భక్తులకు స్వామివారి దర్శనానికి 18 గంటల సమయం పడుతున్నట్లు సమాచారం.

రూ.4 కోట్ల విలువైన భూకబ్జా కేసులో హైకోర్టు ఆదేశాల మేరకు మాజీ స్పీకర్ తమ్మినేని సీతారాం శ్రీకాకుళం రూరల్ పోలీసుల విచారణకు హాజరయ్యారు.

భోగాపురం గ్రీన్‌ఫీల్డ్ విమానాశ్రయం నుంచి ఆగస్టు 17 నుంచి వాణిజ్య విమాన సేవలు అందుబాటులోకి రానున్నాయి. ఈ కొత్త విమానాశ్రయాన్ని ఆగస్టు 1న ప్రధాని మోదీ ప్రారంభించనున్నారు.

టాటా పవర్ సంస్థ రాయలసీమ ప్రాంతంలో రూ.5,350 కోట్ల భారీ పెట్టుబడితో 800 మెగావాట్ల సామర్థ్యం గల పునరుత్పాదక ఇంధన ప్రాజెక్టులను నిర్మిస్తోంది.

భోగాపురం విమానాశ్రయాన్ని తన ఖాతాలో వేసుకునేందుకు సీఎం చంద్రబాబు ప్రయత్నిస్తున్నారంటూ వైసీపీ అధినేత వైఎస్ జగన్ తీవ్ర స్థాయిలో విమర్శలు చేశారు.

ఆంధ్రప్రదేశ్ మద్యం వ్యవహారంలో ముందస్తు బెయిల్ కోరుతూ వైసీపీ నేత కారుమూరి నాగేశ్వరరావు వేసిన పిటిషన్‌ను సుప్రీంకోర్టు తోసిపుచ్చింది. రూ. 350 కోట్లకు పైగా ప్రజాధనం దుర్వినియోగమైందనడానికి ప్రాథమిక ఆధారాలు ఉన్నాయని ధర్మాసనం తెలిపింది.

తిరుమల శ్రీవారి సేవకుల పనితీరు ఆధారంగా విధులను కేటాయించేందుకు వీలుగా తిరుమల తిరుపతి దేవస్థానం సిబిల్ తరహా రేటింగ్ విధానాన్ని ప్రవేశపెట్టనుంది.