మన పత్రిక: తమిళ స్టార్ హీరో ధనుష్ మరియు దర్శకుడు మారి సెల్వరాజ్ కాంబినేషన్లో తెరకెక్కనున్న కొత్త చిత్రం ‘D56’పై సినీ వర్గాల్లో భారీ అంచనాలు ఉన్నాయి. ఈ సినిమా షూటింగ్ సెప్టెంబర్లో ప్రారంభం కానున్నప్పటికీ, అంతకుముందే డిజిటల్ హక్కులు భారీ ధరకు అమ్ముడైనట్లు కోలీవుడ్ వర్గాల్లో ప్రచారం జరుగుతోంది.
ప్రస్తుతం అనేక చిత్రాలు షూటింగ్ పూర్తయినా ఓటీటీ ఒప్పందాల కోసం ఇబ్బందులు పడుతున్న తరుణంలో, ఈ సినిమా షూటింగ్ ప్రారంభం కాకముందే భారీ డీల్ కుదుర్చుకోవడం విశేషం. ఈ ఒప్పందంతో ధనుష్ తన మార్కెట్ సామర్థ్యాన్ని మరోసారి నిరూపించుకున్నారని, ఈ చిత్రం డిజిటల్ హక్కుల విషయంలో కొత్త రికార్డు నమోదైందని సమాచారం. ఇక ఈ చిత్రంలో హీరోయిన్గా ఎవరిని ఎంపిక చేస్తారనే దానిపై ఇంకా అధికారిక స్పష్టత లేదు. సాయి పల్లవి, రుక్మిణి వసంత్, సారా అర్జున్ పేర్లు పరిశీలనలో ఉన్నట్లు వార్తలు వస్తున్నాయి.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.