హైదరాబాద్: పోలీస్, అగ్నిమాపక, జైళ్లు, స్పెషల్ ప్రొటెక్షన్ ఫోర్స్ తదితర శాఖల్లోని కానిస్టేబుల్, తత్సమాన స్థాయి పోస్టుల ప్రత్యక్ష నియామకాలకు గరిష్ఠ వయోపరిమితిని ప్రభుత్వం మరో మూడేళ్ల పాటు సడలించింది. ఈ మేరకు సాధారణ పరిపాలన శాఖ బుధవారం అధికారికంగా ఉత్తర్వులు జారీ చేసింది. హోంశాఖలో సబ్ ఇన్స్స్పెక్టర్ (32 ఏళ్లు), కానిస్టేబుల్ (29 ఏళ్లు) పోస్టుల వయోపరిమితిలో వ్యత్యాసం ఉన్నట్లు గుర్తించిన ప్రభుత్వం, ఈ వ్యత్యాసాన్ని సరిదిద్దేందుకు ఈ నిర్ణయం తీసుకుంది. గతంలో ఇచ్చిన 7 ఏళ్ల సడలింపునకు అదనంగా ఈ మూడేళ్ల పెంపు వర్తిస్తుందని స్పష్టం చేసింది. అయితే పోలీస్ శాఖలోని పీసీ డ్రైవర్ పోస్టులకు ఈ పెంపు వర్తించదు. టీఎస్ఎల్పీఆర్బీ చేపడుతున్న నియామకాలకు ఈ నూతన నిబంధనలు వర్తిస్తాయని, త్వరలోనే రాష్ట్ర గెజిట్లో ప్రచురిస్తామని తెలిపింది.
Lavanya is a content writer at Mana Patrika, covering useful updates and information for Telugu readers. She writes about education, jobs, current affairs, technology, entertainment, and other topics that are relevant to everyday readers. Her focus is on presenting information in a clear, simple, and easy-to-understand way.