మన పత్రిక: రణ్‌బీర్ కపూర్, సాయి పల్లవి, యశ్ ప్రధాన పాత్రల్లో నటిస్తున్న పౌరాణిక చిత్రం ‘రామాయణ: పార్ట్ 1’ కొత్త విడుదల తేదీని మేకర్స్ వెల్లడించారు. నితీష్ తివారీ దర్శకత్వం వహిస్తున్న ఈ చిత్రాన్ని 2026 నవంబర్ 5న ప్రపంచవ్యాప్తంగా విడుదల చేయనున్నట్లు ప్రకటించారు. ఈ సినిమా అడ్వాన్స్ టికెట్ బుకింగ్స్‌ను విజయదశమి (దసరా) పండగ రోజు నుంచే ప్రారంభించనున్నట్లు చిత్రబృందం స్పష్టం చేసింది.
ఈ చిత్రంలో శ్రీరాముడిగా రణ్‌బీర్ కపూర్, సీతాదేవిగా సాయి పల్లవి, రావణాసురుడిగా యశ్ నటిస్తున్నారు. లక్ష్మణుడి పాత్రలో రవి దూబే, హనుమంతుడి పాత్రలో సన్నీ డియోల్ కనిపించనున్నారు. వీరితో పాటు కాజల్ అగర్వాల్, వివేక్ ఓబెరాయ్, లారా దత్తా, రకుల్ ప్రీత్ సింగ్, అరుణ్ గోవిల్ ఇతర ముఖ్య పాత్రల్లో నటిస్తున్నారు.
ఈ భారీ ప్రాజెక్ట్‌కు ఏఆర్ రెహమాన్ పాటలు అందిస్తుండగా, హాలీవుడ్ సంగీత దర్శకుడు హన్స్ జిమ్మర్ నేపథ్య సంగీతం సమకూరుస్తున్నారు. రెండు భాగాలుగా తెరకెక్కుతున్న ఈ చిత్రాన్ని ఐమాక్స్ (IMAX) సహా పలు ప్రీమియం థియేట్రికల్ ఫార్మాట్లలో, వివిధ భారతీయ భాషల్లో విడుదల చేసేందుకు సన్నాహాలు చేస్తున్నారు. రెండవ భాగాన్ని 2027 దీపావళికి విడుదల చేయడానికి ప్రణాళిక రూపొందించారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.