TG: వినాయక నవరాత్రి ఉత్సవాలను పురస్కరించుకుని హైదరాబాద్లోని ప్రసిద్ధ ఖైరతాబాద్ మహా గణపతి, బాలాపూర్ గణేష్ మండపాలను దర్శించుకునే భక్తుల సౌకర్యార్థం టీజీఎస్ ఆర్టీసీ భారీగా ప్రత్యేక బస్సు సర్వీసులను ప్రకటించింది. ఈ ప్రత్యేక బస్సులు సెప్టెంబర్ 14 నుంచి 24 వరకు అందుబాటులో ఉంటాయని ఆర్టీసీ ఎండీ వై.నాగిరెడ్డి వెల్లడించారు. నగరంలోని జేబీఎస్, ఎంజీబీఎస్ మీదుగా ఈ సేవలు సాగనున్నాయి.
జేబీఎస్ నుంచి ప్రారంభమయ్యే ఈ బస్సులు ప్యాట్నీ, ట్యాంక్ బండ్, ఖైరతాబాద్, అఫ్జల్గంజ్, ఎంజీబీఎస్ మీదుగా బాలాపూర్ గణేష్ మండపానికి చేరుకుంటాయి. భక్తుల రద్దీకి అనుగుణంగా జేబీఎస్ వద్ద ఉదయం 6:00 గంటలకు మొదటి సర్వీస్ ప్రారంభమై రాత్రి 9:55 గంటల వరకు ప్రతి 40-50 నిమిషాల వ్యవధిలో బస్సులు నడుస్తాయని తెలిపారు. బాలాపూర్ నుంచి తిరుగు ప్రయాణ బస్సులు ఉదయం 7:55 నుంచి రాత్రి 11:50 వరకు అందుబాటులో ఉంటాయని, భక్తులు ఈ సదుపాయాన్ని సద్వినియోగం చేసుకోవాలని కోరారు.
Lavanya is a content writer at Mana Patrika, covering useful updates and information for Telugu readers. She writes about education, jobs, current affairs, technology, entertainment, and other topics that are relevant to everyday readers. Her focus is on presenting information in a clear, simple, and easy-to-understand way.