హైదరాబాద్: ఆన్లైన్లో ఫుడ్ ఆర్డర్ చేసే కస్టమర్లకు ప్రముఖ ఫుడ్ డెలివరీ యాప్ జొమాటో మరో షాక్ ఇచ్చింది. ఇప్పటికే వివిధ రకాల ఛార్జీలతో జేబులు గుల్ల చేస్తున్న ఆ సంస్థ.. తాజాగా ‘క్యాష్ ఆన్ డెలివరీ’ ఎంచుకునే కస్టమర్లపై అదనంగా రూ.5 నుంచి రూ.20 వరకు వసూలు చేయడం మొదలుపెట్టింది. బిల్లు సమ్మరీలో ఈ ‘పే ఆన్ డెలివరీ ఫీజు’ ప్రత్యేకంగా కనిపిస్తుండటం గమనార్హం. డిజిటల్ పేమెంట్స్ చేసే వారికి ఈ భారం ఉండదు కానీ, నగదు ఇస్తామనే వారికి మాత్రం ఈ రుసుము తప్పడం లేదు.
మార్కెట్లో కొత్త ప్రత్యర్థుల నుంచి పోటీ ఎదురవుతున్న వేళ.. జొమాటో ఇలా చిన్న ఛార్జీల ద్వారా అదనపు ఆదాయం రాబట్టే ప్లాన్కు తెరలేపింది. రోజువారీగా లక్షలాది ఆర్డర్లను ప్రాసెస్ చేసే జొమాటోకు ఈ సీవోడీ ఛార్జీల రూపంలో రోజువారీగా కోట్లలో ఆదాయం సమకూరే అవకాశం ఉంది. ఇప్పటికే ప్లాట్ఫాం ఫీజును రూ.15 వరకు పెంచిన ఆ సంస్థ, ఇప్పుడు పేమెంట్ పద్ధతిని బట్టి వసూలు చేస్తుండటంతో ఫుడ్ ప్రియులు విస్మయం వ్యక్తం చేస్తున్నారు. ప్రత్యర్థి సంస్థ స్విగ్గీ మాత్రం ఇప్పటివరకు ఎలాంటి సీవోడీ ఫీజును ప్రవేశపెట్టలేదు. చివరకు క్యాష్ ఇచ్చినందుకు కూడా బాదుతుండటంతో కస్టమర్లు మండిపడుతున్నారు.
Lavanya is a content writer at Mana Patrika, covering useful updates and information for Telugu readers. She writes about education, jobs, current affairs, technology, entertainment, and other topics that are relevant to everyday readers. Her focus is on presenting information in a clear, simple, and easy-to-understand way.