శ్రీశైలం ఘాట్ రోడ్డుపై ఘోర ప్రమాదం: ఒకరు మృతి

మన పత్రిక, అచ్చంపేట: నాగర్‌కర్నూల్ జిల్లా అచ్చంపేట మండలం సిద్ధాపూర్ పోలీస్ స్టేషన్ పరిధిలోని శ్రీశైలం ఘాట్ రోడ్డు సమీపంలో గురువారం ఉదయం జరిగిన రోడ్డు ప్రమాదంలో ఒక మహిళ మృతి చెందింది. ఈ ఘటనలో కారు డ్రైవర్ తీవ్రంగా గాయపడ్డారు.

కుటుంబ సభ్యుల వివరాల ప్రకారం, కారు డ్రైవర్ నిద్రమత్తులో ఉండటంతో వాహనం అదుపుతప్పి కల్వర్టును ఢీకొట్టింది. ఈ ప్రమాదంలో కేసుమోల్ల లక్ష్మి (38) అక్కడికక్కడే మృతి చెందారు. తీవ్రంగా గాయపడిన డ్రైవర్ పెరుముల నాగరాజును మెరుగైన చికిత్స కోసం హైదరాబాద్‌కు తరలించారు. లక్ష్మి హైదరాబాద్‌లో కూలీ పని చేసి, తన స్వగ్రామమైన తుర్కపల్లికి తిరిగి వస్తుండగా ఈ ప్రమాదం జరిగింది. మృతురాలికి భర్త, ఇద్దరు కుమారులు ఉన్నారు. ఈ ఘటనపై సిద్ధాపూర్ పోలీసులు కేసు నమోదు చేసి దర్యాప్తు చేస్తున్నారు.

Mana Patrika Desk

Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.