మన పత్రిక, కోదాడ: సూర్యాపేట జిల్లాలోని చిలుకూరు మండలం సీతారాంపురం సమీపంలో బుధవారం రోడ్డు ప్రమాదం జరిగింది. మిర్యాలగూడ నుంచి కోదాడ వైపు ప్రయాణికులతో వెళ్తున్న పల్లె వెలుగు ఆర్టీసీ బస్సును వెనుక నుంచి వేగంగా వచ్చిన సిమెంట్ లారీ బలంగా ఢీకొట్టింది. ఈ ప్రమాద తీవ్రతకు బస్సు అదుపుతప్పి రహదారి పక్కన కిందివైపు దూసుకెళ్లింది.
అయితే, బస్సు డ్రైవర్ అప్రమత్తంగా వ్యవహరించడంతో పెను ప్రమాదం తృటిలో తప్పింది. ఈ ఘటనలో బస్సులో ప్రయాణిస్తున్న పలువురికి స్వల్ప గాయాలయ్యాయి. స్థానికులు వెంటనే స్పందించి సహాయక చర్యలు చేపట్టారు. సమాచారం అందుకున్న పోలీసులు ఘటనాస్థలికి చేరుకుని ట్రాఫిక్ను క్రమబద్ధీకరించారు. లారీ డ్రైవర్ నిర్లక్ష్యంపై పోలీసులు దర్యాప్తు చేస్తున్నారు. ఈ ప్రమాదంతో ప్రయాణికులు తీవ్ర భయాందోళనకు గురయ్యారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.