మన పత్రిక, శ్రీకాకుళం: ఆమ్లెట్ విషయంలో జరిగిన గొడవ కారణంగా వివాహిత షర్మిల ఆత్మహత్య చేసుకున్న ఘటన స్థానికంగా విషాదం నింపింది. భోజన సమయంలో అత్త దమయంతి కోడలిపై ఆగ్రహం వ్యక్తం చేస్తూ ప్లేట్ విసిరి కొట్టింది. ఈ క్రమంలో భర్త నాగరాజు మౌనంగా ఉండటంతో తీవ్ర మనస్తాపానికి గురైన షర్మిల, రాత్రి సమయంలో ఫ్యాన్కు ఉరేసుకుని ప్రాణాలు తీసుకుంది. ఏడాది క్రితమే వివాహం జరిగిన షర్మిల మరణంపై ఆమె తల్లిదండ్రులు ఫిర్యాదు చేశారు.
అత్తాకోడళ్ల మధ్య నిత్యం జరిగే ఘర్షణలే ఈ ఘటనకు కారణమని స్థానికులు చెబుతున్నారు. భర్త మద్దతు లేకపోవడం షర్మిలను మరింత వేదనకు గురిచేసింది. పోలీసులు కేసు నమోదు చేసుకుని దర్యాప్తు చేస్తున్నారు. దమయంతిని విచారిస్తే మరిన్ని విషయాలు వెలుగులోకి వచ్చే అవకాశం ఉందని అధికారులు పేర్కొన్నారు. పోస్టుమార్టం నిమిత్తం మృతదేహాన్ని ఆసుపత్రికి తరలించారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.