మన పత్రిక, లఖింపూర్ ఖేరీ: ఉత్తరప్రదేశ్లోని లఖింపూర్ ఖేరీ జిల్లాలో ఒక మహిళ ముక్కును ఆమె భర్త కోసేసిన ఘటన తీవ్ర కలకలం రేపింది. తన కజిన్ సోదరి వివాహానికి పుట్టింటికి వెళ్తానని భార్య ప్రీతి కోరగా, భర్త శ్రావణ్ అందుకు నిరాకరించాడు. ఈ విషయంలో జరిగిన వాగ్వాదంతో ఆగ్రహించిన శ్రావణ్, బ్లేడుతో భార్య ముక్కును కోసేశాడు.
ఈ దాడి గురించి తెలుసుకున్న ప్రీతి కుటుంబ సభ్యులు, బంధువులు శ్రావణ్ ఇంటిపై దాడి చేశారు. ప్రతీకారంగా వారు శ్రావణ్ సోదరి మోనిపై దాడి చేసి ఆమె ముక్కును కూడా కోసేశారు. ప్రస్తుతం గాయపడిన ఇద్దరు మహిళలను ఆసుపత్రికి తరలించగా, పోలీసులు కేసు నమోదు చేసి దర్యాప్తు చేస్తున్నారు. ఇరుపక్షాలు ఒకరిపై ఒకరు ఫిర్యాదులు చేసుకున్నట్లు పోలీసులు వెల్లడించారు. ఈ ఘటన స్థానికంగా భయాందోళనలు సృష్టించింది.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.