జూబ్లీహిల్స్‌లో ఫెరారీ కారు బీభత్సం

మన పత్రిక, జూబ్లీహిల్స్: హైదరాబాద్‌లోని జూబ్లీహిల్స్ రోడ్ నంబర్ 5లో ఆదివారం తెల్లవారుజామున ఫెరారీ కారు (Ferrari Car) ప్రమాదం చోటుచేసుకుంది. అతివేగంగా వచ్చిన ఈ కారు అపార్ట్‌మెంట్ ప్రధాన గేటును బలంగా ఢీకొట్టడంతో గేటు పూర్తిగా ధ్వంసమైంది. ప్రమాదం జరిగిన వెంటనే వాహనంలోని వ్యక్తులు కారును అక్కడే వదిలేసి పరారయ్యారు. ఈ ఘటనపై ఫిలింనగర్ పోలీసులు కేసు నమోదు చేశారు.

ప్రమాద సమయంలో కారులో ఉన్న వ్యక్తుల గుర్తింపు కోసం పోలీసులు సీసీటీవీ దృశ్యాలను పరిశీలిస్తున్నారు. మద్యం మత్తులో వాహనం నడపడం వల్లే ఈ ప్రమాదం జరిగి ఉండవచ్చని ప్రాథమికంగా భావిస్తున్నారు. పోలీసులు కారును స్టేషన్‌కు తరలించి, దాని రిజిస్ట్రేషన్ వివరాల ఆధారంగా నిందితుల కోసం గాలింపు చేపట్టారు. గత వారం రోజుల్లోనే ఈ ప్రాంతంలో జరిగిన రెండో ప్రమాదం కావడంతో స్థానికులు ఆందోళన వ్యక్తం చేస్తున్నారు.

Rajendar Degavath

Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.