మన పత్రిక: కేజీఎఫ్ సిరీస్ విజయాల తర్వాత నటుడు యాష్ కథానాయకుడిగా వస్తున్న ‘టాక్సిక్’ సినిమా విడుదల తేదీ దగ్గరపడుతున్న వేళ ఏపీలో టికెట్ ధరల పెంపు వార్తలు సోషల్ మీడియాలో చర్చనీయాంశంగా మారాయి. ఆగస్టు 26న ఈ చిత్రం థియేటర్లలోకి రానున్న నేపథ్యంలో, టికెట్ రేట్లను పెంచేందుకు నిర్మాతలు ఆంధ్రప్రదేశ్ ప్రభుత్వాన్ని సంప్రదించే అవకాశం ఉందనే కథనాలు వెలువడుతున్నాయి.
ప్రచారం జరుగుతున్న వివరాల ప్రకారం, ఉదయం 6 గంటల ప్రత్యేక షోలకు ఫ్లాట్ రేటుగా రూ. 500 టికెట్ ధర అనుమతించాలని చిత్రబృందం కోరనున్నట్లు సమాచారం. దీంతో పాటు సాధారణ ప్రదర్శనల టికెట్ ధరలపై రూ. 50 నుండి రూ. 100 వరకు పెంచాలని ప్రతిపాదించే యోచనలో ఉన్నట్లు తెలుస్తోంది. అయితే దీనిపై టాక్సిక్ చిత్ర యూనిట్ నుంచి గానీ, ఆంధ్రప్రదేశ్ ప్రభుత్వం నుంచి గానీ ఎలాంటి అధికారిక ప్రకటన వెలువడలేదు.
మరోవైపు ఈ సినిమాకు సెన్సార్ బోర్డు ‘ఏ’ (A) సర్టిఫికెట్ జారీ చేసినట్లు నివేదికలు పేర్కొంటున్నాయి. చిత్రంలో ఉన్న హింసాత్మక సన్నివేశాలు, అడల్ట్ కంటెంట్ కారణంగా కేవలం ప్రాప్తులకు మాత్రమే ప్రదర్శన పరిమితం కావడంతో, ప్రభుత్వం టికెట్ ధరల పెంపుపై నిర్ణయం తీసుకునేటప్పుడు పరిశీలించాల్సి ఉంటుందని కొందరు భావిస్తున్నారు. ఈ ధరల పెంపు ప్రతిపాదన నిజంగా ఉందా లేక కేవలం ప్రచార వ్యూహమా అనేది త్వరలోనే స్పష్టమయ్యే అవకాశం ఉంది.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.