మన పత్రిక: తమిళ నటుడు సూర్య నటించిన చిత్రం ‘విశ్వనాథ్ అండ్ సన్స్’ మొదటి వారాంతం తర్వాత బాక్సాఫీస్ వద్ద మిశ్రమ స్పందనను ఎదుర్కొంటోంది. మొదటి పనిదినమైన సోమవారం నాడు తెలుగు రాష్ట్రాల్లో ఈ చిత్రం స్థిరమైన వసూళ్లను సాధించగా, తమిళనాడులో మాత్రం రాబడి తగ్గి ఆందోళన కలిగిస్తోంది.
తమిళనాడులో మొదటి నాలుగు రోజుల్లో ఈ సినిమా దాదాపు ₹30 కోట్ల గ్రాస్ వసూలు చేసింది. ఆ ప్రాంతంలో ₹40 కోట్ల థియేట్రికల్ బిజినెస్ జరగడంతో బ్రేక్ ఈవెన్ సాధించడానికి దాదాపు ₹90 కోట్ల గ్రాస్ రాబట్టాల్సి ఉంది. వీకెండ్ వరకు తమిళ వెర్షన్ వసూళ్లు తెలుగు వెర్షన్కు చేరువగా ఉన్నప్పటికీ, సోమవారానికి వచ్చేసరికి తెలుగు వసూళ్లతో పోలిస్తే అక్కడ దాదాపు 30 శాతం మేర పడిపోయాయి.
తెలుగు రాష్ట్రాల్లో బాక్సాఫీస్ పరిస్థితి
తెలుగు రాష్ట్రాల్లో ఈ సినిమా పరిస్థితి కొంత మెరుగ్గా ఉంది. నైజాం ప్రాంతంలో ₹7.2 కోట్ల నాన్ – రికవరేబుల్ అడ్వాన్స్ మార్కును దాటిన ఈ సినిమా, రాబోయే వారాంతం ముగిసేసరికి మిగిలిన ₹2 కోట్ల రికవరేబుల్ అడ్వాన్స్ను కూడా రాబట్టుకుంటుందని అంచనా వేస్తున్నారు. ఆంధ్ర ప్రాంతంలో ₹10 కోట్ల నిష్పత్తిలో వ్యాపారం జరగగా, పూర్తి రన్ ముగిసేసరికి బ్రేక్ ఈవెన్ అయ్యే అవకాశం ఉంది.
సీడెడ్ ప్రాంతంలో కొనుగోలుదారులకు కొంత నష్టం వచ్చే అవకాశం ఉందని అంచనా వేస్తుండగా, నైజాం నుంచి వచ్చే లాభాలు సీడెడ్ లోటును భర్తీ చేయడానికి సహాయపడతాయని భావిస్తున్నారు. ప్రస్తుతం తమిళనాడులోనే వసూళ్లు ఆందోళనకరంగా ఉన్నందున, బ్రేక్ ఈవెన్ లక్ష్యాన్ని చేరుకోవడానికి రాబోయే రోజుల్లో అక్కడ భారీ వసూళ్లు సాధించాల్సి ఉంది.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.