మన పత్రిక: మేకా శ్రీకాంత్, లయ ప్రధాన పాత్రల్లో తెరకెక్కిన సోషియో ఫాంటసీ కామెడీ చిత్రం ‘మిస్టర్ మిడిల్ క్లాస్’ డిజిటల్ ప్లాట్ఫామ్పై అందుబాటులోకి వచ్చింది. థియేటర్లలో విడుదలై సందడి చేసిన ఈ సినిమా, 2026 ఆగస్టు 19 నుంచి ‘ఆహా’ (Aha) ఓటీటీలో స్ట్రీమింగ్ అవుతోంది.
జి. నాగేశ్వరరెడ్డి దర్శకత్వం వహించిన ఈ చిత్రంలో రాజేంద్రప్రసాద్ కీలక పాత్ర పోషించగా సునీల్, అలీ, వెన్నెల కిషోర్ ఇతర ముఖ్య పాత్రల్లో నటించారు. ఆర్థిక ఇబ్బందులు, వ్యాపార సమస్యలతో సతమతమయ్యే వెంకటరమణ అనే సగటు మధ్యతరగతి వ్యక్తి జీవితంలోకి శ్రీ వెంకటేశ్వర స్వామి ప్రత్యక్షమై ఒక మాయా పుస్తకాన్ని అందించిన తర్వాత ఎలాంటి మార్పులు వచ్చాయనే కథాంశంతో ఈ సినిమా రూపొందింది.
ఆ పుస్తకంలో రాసిన కోరికలు నెరవేరడం, అది ఒకరి నుంచి మరొకరి చేతికి మారినప్పుడు చోటుచేసుకునే హాస్య సంఘటనలు, కుటుంబ భావోద్వేగాల చుట్టూ కథ సాగుతుంది. బ్లూ.జె క్రియేషన్స్ నిర్మించిన ఈ చిత్రానికి సాయి కార్తీక్ సంగీతం అందించారు. జూలై 17న థియేటర్లలో విడుదలైన ఈ సినిమా, ఇప్పుడు డిజిటల్ ప్రేక్షకుల ముందుకు వచ్చింది.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.