న్యూఢిల్లీ: దేశంలో రైలు ప్రయాణాలను మరింత సులభతరం చేసేందుకు కేంద్ర ప్రభుత్వం ప్రతిష్టాత్మక నిర్ణయం తీసుకుంది. పలు రైల్వే కారిడార్లలో నాలుగు లైన్ల నిర్మాణం కోసం 8 మల్టీ ట్రాకింగ్ ప్రాజెక్టులకు కేంద్ర క్యాబినెట్ ఆమోదం తెలిపింది. ఈ మేరకు కేబినెట్ తీసుకున్న నిర్ణయాలను కేంద్ర రైల్వే మంత్రి అశ్వినీ వైష్ణవ్ మీడియాకు వివరించారు. మొత్తం ప్రాజెక్టుల్లో దక్షిణాది రాష్ట్రాలకు పెద్దపీట వేస్తూ 5 ప్రాజెక్టులకు, ఉత్తరాదిలో 3 ప్రాజెక్టులకు మంత్రివర్గం గ్రీన్ సిగ్నల్ ఇచ్చింది. దీంతో తెలుగు రాష్ట్రాలతో పాటు తమిళనాడు, కర్ణాటకలో ఐదు కీలక మల్టీ ట్రాకింగ్ ప్రాజెక్టులు సాకారమవనున్నాయి. ఈ ప్రాజెక్టుల ద్వారా నాలుగు రాష్ట్రాల్లోని 17 జిల్లాల పరిధిలో రైల్వే నెట్వర్క్ బలపడనుంది. సుమారు రూ.10,021 కోట్ల అంచనా వ్యయంతో నిర్మించనున్న ఈ ప్రాజెక్టులను 2029-30 నాటికి పూర్తి చేయాలని లక్ష్యంగా పెట్టుకున్నారు. ఈ మల్టీ ట్రాకింగ్ ప్రాజెక్టుల పుణ్యమా అని దక్షిణాదిలో దాదాపు 2,121 గ్రామాలకు కొత్తగా రైలు మార్గం అందుబాటులోకి రానుంది.
ప్రధాన ప్రాజెక్టుల వివరాలు:
- ఘట్కేసర్ – కాజీపేట మధ్య రూ.2,419 కోట్లతో 110 కి.మీ. మేర నాలుగో లైన్ నిర్మాణం.
- అరక్కోణం – రేణిగుంట సెక్షన్లో 77 కి.మీ. పొడవుతో 3, 4వ లైన్ల నిర్మాణం.
- వైట్ఫీల్డ్ – బంగారుపేట మధ్య 47 కి.మీ. మేర 3, 4వ లైన్ల నిర్మాణం.
- 159 కి.మీ. మేర సేలం – కరూర్ – దుండిగల్ డబ్లింగ్ పనులు.
- 147 కి.మీ. మేర హోసూర్ – ఒమలూరు డబ్లింగ్ ప్రాజెక్టుకు కేంద్ర మంత్రివర్గం ఆమోదముద్ర వేసింది.
Lavanya is a content writer at Mana Patrika, covering useful updates and information for Telugu readers. She writes about education, jobs, current affairs, technology, entertainment, and other topics that are relevant to everyday readers. Her focus is on presenting information in a clear, simple, and easy-to-understand way.