మన పత్రిక, హైదరాబాద్: సర్దార్ వల్లభ్ భాయ్ పటేల్ నేషనల్ పోలీస్ అకాడమీకి చెందిన ట్రైనీ ఐపీఎస్ అధికారి ఉదయ్ కృష్ణారెడ్డి రాసిన సూసైడ్ నోట్ ఇప్పుడు బయటకు వచ్చింది. తనపై ఒక మహిళా ట్రైనీ ఐపీఎస్ అధికారిణి లైంగిక వేధింపుల ఫిర్యాదు చేసిన నేపథ్యంలో, ఈ లేఖ సంచలనంగా మారింది. ఆ మహిళా అధికారిణి తన ఫిర్యాదులో ఉదయ్ కృష్ణారెడ్డి తనను వేధించడమే కాకుండా, అనుమతి లేకుండా వీడియోలు తీసి బ్లాక్ మెయిల్ చేస్తున్నారని ఆరోపించారు. దీనిపై పోలీసులు కేసు నమోదు చేసి దర్యాప్తు చేస్తున్నారు.
సూసైడ్ నోట్లో ఏముంది?
రెండు పేజీల సూసైడ్ లేఖలో ఉదయ్ కృష్ణారెడ్డి పలు కీలక విషయాలను పేర్కొన్నారు. సదరు మహిళా ట్రైనీ ఐపీఎస్ అధికారిణితో తాను ఏడాదిన్నర కాలంగా రిలేషన్ లో ఉన్నానని, పెళ్లి తర్వాత కూడా సన్నిహితంగా ఉన్నామని ఆయన వెల్లడించారు. దీనికి సంబంధించిన వీడియో ఆధారాలు కూడా తన వద్ద ఉన్నాయని లేఖలో పేర్కొన్నారు. ఆత్మహత్యాయత్నానికి ముందు ఆయన రాసిన ఈ లేఖ ప్రస్తుతం సోషల్ మీడియాలో వైరల్ అవుతోంది.
సోమవారం ఉదయం మోతీనగర్ లోని తన బంధువుల ఇంట్లో ఉన్న సమయంలో ఉదయ్ కృష్ణారెడ్డి శానిటైజర్ తాగి ఆత్మహత్యకు పాల్పడ్డారు. అపస్మారక స్థితిలో ఉన్న ఆయనను వెంటనే ఆస్పత్రికి తరలించారు. ప్రస్తుతం ఆయన ఆరోగ్యం నిలకడగానే ఉందని వైద్యులు తెలిపారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.
ఇవి కూడా చదవండి :
- మీర్పేటలో రౌడీషీటర్ నందనవనం సూరి దారుణ హత్య
- బీఆర్ఎస్ పార్టీలోనే కొనసాగుతానని స్పష్టం చేసిన మల్లారెడ్డి
- సిక్కిం తీస్తా జలవిద్యుత్ ప్రాజెక్టు టన్నెల్లో పేలుడు: ఎనిమిది మంది కార్మికులు మృతి
- జులై 21 రాశిఫలాలు: ఈరోజు ఏ రాశి వారికి ఎలాంటి ఫలితాలు ఉన్నాయి
- ఖమ్మం జిల్లా ఏదులాపురం వద్ద ఘోర రోడ్డు ప్రమాదం: డీసీఎం డ్రైవర్ మృతి