సింగరేణి భరోసా యాత్రను ప్రారంభించిన తెలంగాణ బీజేపీ నేతలు

మన పత్రిక, హైదరాబాద్: తెలంగాణ బీజేపీ (Telangana BJP) ఆధ్వర్యంలో సింగరేణి భరోసా యాత్ర అధికారికంగా ప్రారంభమైంది. పార్టీ రాష్ట్ర కార్యాలయం నుంచి ఈ యాత్రను పార్టీ నేతలు ప్రారంభించారు. తాడిచెర్ల-2 బొగ్గు బ్లాక్ కేటాయింపు నిర్ణయాన్ని ప్రజల్లోకి విస్తృతంగా తీసుకెళ్లడమే లక్ష్యంగా ఈ కార్యక్రమాన్ని చేపట్టినట్లు పార్టీ వర్గాలు వెల్లడించాయి. కేంద్రం తీసుకున్న ఈ నిర్ణయం గురించి ప్రజలకు అవగాహన కల్పించడంపైనే ప్రధానంగా దృష్టి సారించారు.

ఈ రెండు రోజుల యాత్రలో కిషన్ రెడ్డి, రాంచందర్ రావుతో పాటు పలువురు ముఖ్య నేతలు పాల్గొంటున్నారు. సింగరేణిని బీఆర్ఎస్, కాంగ్రెస్ పార్టీలు గతంలో నిర్లక్ష్యం చేశాయని ఈ సందర్భంగా నేతలు ఆరోపించారు. ప్రధానమంత్రి నరేంద్ర మోదీ ప్రత్యేక చొరవతోనే ఈ బొగ్గు బ్లాక్‌ను సింగరేణి సంస్థకు కేటాయించారని వారు స్పష్టం చేశారు.

Mana Patrika Desk

Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.