మన పత్రిక: ఉత్తరప్రదేశ్లోని హర్దోయ్ బస్టాండ్లో రెండు ఆర్టీసీ బస్సుల మధ్య ఇరుక్కుపోయి నేహా సింగ్ (32) అనే మహిళ దారుణంగా మృతి చెందింది. ఖేతుయ్ గ్రామానికి చెందిన ఆమె ఒక ప్రైవేట్ ఫార్మా కంపెనీలో ఉద్యోగం చేస్తోంది. కంపెనీ మీటింగ్ కోసం ఉన్నావ్లోని బాంగర్మౌ వెళ్లేందుకు బుధవారం హర్దోయ్ బస్టాండ్కు చేరుకున్న సమయంలో ఈ ప్రమాదం జరిగింది.
బస్సు ఎక్కేందుకు ఆమె నడుచుకుంటూ వెళ్తుండగా, హర్దోయ్ మరియు కన్నౌజ్ డిపోలకు చెందిన రెండు బస్సుల డ్రైవర్లు అజాగ్రత్తగా ఒకేసారి వాహనాలను ముందుకు తీశారు. దీంతో రెండు బస్సుల ముందు భాగాల మధ్య RTC Buses Accident జరిగి నేహా తీవ్రంగా గాయపడింది. స్థానికులు వెంటనే ఆమెను మెడికల్ కాలేజీ ఆసుపత్రికి తరలించినప్పటికీ, పరిశీలించిన వైద్యులు ఆమె అప్పటికే మృతి చెందినట్లు ధృవీకరించారు.
పదేళ్ల క్రితం ఆమె భర్త సర్వేశ్ సింగ్ కూడా ఒక డీసీఎం మరియు ట్రక్ మధ్య చిక్కుకుని రోడ్డు ప్రమాదంలో మరణించారు. భర్త మరణం తర్వాత ఉద్యోగం చేస్తూ 15 ఏళ్ల కూతురు, 11 ఏళ్ల కొడుకును నేహా పోషిస్తోంది. ఇప్పుడు ఆమె కూడా అదే తరహా ప్రమాదంలో మృతి చెందడంతో ఇద్దరు పిల్లలు అనాథలుగా మారారు. డ్రైవర్ల నిర్లక్ష్యమే ఈ ప్రమాదానికి కారణమని బంధువులు, స్థానికులు ఆగ్రహం వ్యక్తం చేశారు. పోలీసులు మృతదేహాన్ని పోస్టుమార్టం నిమిత్తం తరలించి, కేసు నమోదు చేసి దర్యాప్తు చేస్తున్నారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.
ఇవి కూడా చదవండి :
- భూ రికార్డుల భద్రతకు బ్లాక్చెయిన్ సాంకేతికతను ప్రారంభించిన సీఎం చంద్రబాబు
- హనీమూన్ హత్య కేసులో సోనమ్ రఘువంశీ బెయిల్ రద్దు చేసిన సుప్రీంకోర్టు
- ముచ్చినిపర్తిలో 6 క్వింటాళ్ల పీడీఎస్ బియ్యం పట్టివేత
- చంద్రబాబు ప్రభుత్వంపై వైఎస్సార్సీపీ నాయకుడు భూమనా కరుణాకర్ రెడ్డి తీవ్ర విమర్శలు
- ఐటీ ఉద్యోగాలకు సాంకేతిక నైపుణ్యాలే కీలకమని నిపుణుల స్పష్టం