మన పత్రిక: ప్రజాస్వామ్యంలో ఓటు హక్కు లేకపోతే ప్రభుత్వ సంక్షేమ పథకాలు పొందే అవకాశం ఉండదని తెలంగాణ ముఖ్యమంత్రి ఎ. Revanth Reddy స్పష్టం చేశారు. రాష్ట్రంలో ప్రస్తుతం జరుగుతున్న సమగ్ర ఓటర్ల సవరణ లేదా ప్రక్షాళన (Special Intensive Revision – SIR) ప్రక్రియపై విలేకరుల ఇష్టాగోష్ఠిలో ఆయన ఈ వ్యాఖ్యలు చేశారు. తెలంగాణలో ఎస్ఐఆర్ ప్రక్రియ ఇప్పటికే 70 శాతం పూర్తయిందని, మిగిలిన 30 శాతం పనులను వేగవంతంగా, జాగ్రత్తగా పూర్తి చేయాలని కాంగ్రెస్ నాయకులకు, కేడర్కు సూచించినట్లు తెలిపారు.
ఓటరు జాబితాలో చిన్న మార్పులు వేరని, కావాలని తప్పుడు ఫిర్యాదులు చేసే వారిపై కఠిన చర్యలు ఉంటాయని సీఎం రేవంత్ రెడ్డి హెచ్చరించారు. తన ఓటు బదిలీ కోసం కలెక్టర్కు దరఖాస్తు చేసుకున్న విషయాన్ని ఆయన ప్రస్తావించారు. గతంలో కొడంగల్ ప్రాంతం కర్ణాటకలో ఉండేదని, భాషా ప్రయుక్త రాష్ట్రాల విభజన సమయంలో తెలంగాణలో కలిసిందని వివరించారు. ఓటరు జాబితా సవరణపై అవగాహన లేకపోవడం వల్ల నిజమైన ఓటర్ల ఓట్లు పోకుండా బూత్ లెవల్ ఏజెంట్లను (BLA) నియమించామని, వీరు బిఎల్వోలతో (BLO) అనుసంధానమై పనిచేస్తారని తెలిపారు.
గతంలో ప్రక్షాళన పేరుతో అర్హులైన ఓటర్ల ఓట్లు తొలగించిన ఘటనలను ఆయన గుర్తుచేశారు. జీహెచ్ఎంసీ పరిధిలో ఏపీకి చెందిన ఓటర్ల ఓట్లను తొలగించినప్పుడు కాంగ్రెస్ పార్టీ కోర్టును ఆశ్రయించగా, అప్పటి జీహెచ్ఎంసీ కమిషనర్పై కోర్టు తీవ్ర ఆగ్రహం వ్యక్తం చేసిందని ప్రస్తావించారు. కాగా, ఈ ఇష్టాగోష్ఠికి ముందు సీఎం రేవంత్ రెడ్డి, అసెంబ్లీ స్పీకర్ గడ్డం ప్రసాద్ కుమార్, మంత్రి అడ్లూరి లక్ష్మణ్తో కలిసి తెలంగాణ అసెంబ్లీ ప్రాంగణంలో జరుగుతున్న పునర్నిర్మాణ, మరమ్మతు పనులను పరిశీలించారు.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.
ఇవి కూడా చదవండి :
- తెలంగాణలో జులై 24న విద్యాసంస్థల బంద్కు విద్యార్థి సంఘాల పిలుపు
- భూపాలపల్లిలో గుట్కా నిల్వలపై సీసీఎస్ దాడి, భారీగా సరుకు స్వాధీనం
- ఢిల్లీలో నిరసనల్లో హింసపై స్పందించిన పోలీసులు: 118 మంది సిబ్బందికి గాయాలు
- కాంగ్రెస్ నిరసనలపై సోనమ్ వాంగ్చుక్ భార్య గీతాంజలి తీవ్ర విమర్శలు
- ఓటీటీ ఆఫర్ల కోసం కష్టపడుతున్న టాలీవుడ్ యంగ్ హీరో