మన పత్రిక: బిగ్ బాస్ తెలుగు సీజన్ 10 మూడో వారం నామినేషన్ల ప్రక్రియలో భాగంగా హౌస్లో కంటెస్టెంట్ల మధ్య తీవ్ర వాగ్వాదం చోటుచేసుకుంది. ముఖ్యంగా సుధీర్, సృష్టి మధ్య జరిగిన ఘర్షణకు సంబంధించిన తాజా ప్రోమో ఇప్పుడు అందరి దృష్టిని ఆకర్షిస్తోంది.
షో ప్రారంభం నుంచి సుధీర్, సృష్టి మధ్య సత్సంబంధాలు లేవు. సృష్టితో రొమాంటిక్ ట్రాక్ నడపడంపై సుధీర్ మరో కంటెస్టెంట్ త్రిగుణ్ సలహా కోరినట్లు ప్రచారం జరిగినప్పటికీ, సృష్టి మాత్రం మొదటి నుంచి సుధీర్కు దూరంగానే ఉంటూ వస్తోంది. వీరిద్దరి మధ్య తరచూ ఏదో ఒక విషయంలో విభేదాలు వస్తూనే ఉన్నాయి.
ఈ నేపథ్యంలో మూడో వారం నామినేషన్ల ప్రక్రియ జరుగుతుండగా సుధీర్ పదేపదే మాట్లాడటంపై సృష్టి తీవ్ర అభ్యంతరం వ్యక్తం చేసింది. సుధీర్ తీరుపై ఆమె అసహనం వ్యక్తం చేస్తూ గట్టిగా హెచ్చరించింది. మాట్లాడటం ఆపాలని ఆగ్రహంతో సుధీర్ను కోరిన సృష్టి, హద్దులు దాటితే తాను కూడా అదే స్థాయిలో సమాధానం ఇస్తానని హెచ్చరించడం ప్రోమోలో కనిపించింది.
ఈ వాగ్వాదం క్రమంగా మరింత పెరగడంతో సృష్టి తీవ్ర భావోద్వేగానికి గురై ఏడ్చేసింది. దీంతో హౌస్లోని వాతావరణం ఒక్కసారిగా మారిపోయింది. రెండో వారంలో సృష్టి పెద్దగా కనిపించడం లేదని హోస్ట్ నాగార్జున గతంలో వ్యాఖ్యానించిన నేపథ్యంలో, ఈ వారం నామినేషన్లలో ఆమె తన వాణిని బలంగా వినిపించడం గమనార్హం. వీరిద్దరి మధ్య ఈ స్థాయి ఘర్షణకు గల పూర్తి కారణాలు త్వరలో ప్రసారమయ్యే ఎపిసోడ్లో తెలియనున్నాయి.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.