మన పత్రిక, ఆర్మూర్: ఆర్మూర్ మున్సిపల్ పరిధిలోని Perkit ప్రాంతంలో తీవ్ర విషాద ఘటన చోటుచేసుకుంది. పెర్కిట్కు చెందిన పెద్దకాపు రవీందర్ రెడ్డి (35) అనే యువకుడు గురువారం సాయంత్రం తన నివాసంలో ఉరివేసుకుని మృతి చెందాడు. గత కొంతకాలంగా తీవ్ర అనారోగ్య సమస్యలతో బాధపడుతున్న అతడు ఈ తీవ్ర నిర్ణయం తీసుకున్నట్లు సమాచారం.
స్థానికులు మరియు పోలీసులు తెలిపిన వివరాల ప్రకారం, రవీందర్ రెడ్డి గత ఆరు నెలలుగా అనారోగ్యంతో బాధపడుతుండటంతో కుటుంబ సభ్యులు హైదరాబాద్లోని ఒక ఆసుపత్రిలో చేర్పించి చికిత్స అందిస్తున్నారు. వైద్యుల సూచనల మేరకు అప్పుడప్పుడు ఇంటికి వచ్చి వెళ్తున్న అతడు, గత ఆదివారం హైదరాబాద్ నుంచి పెర్కిట్లోని తన ఇంటికి చేరుకున్నాడు. గురువారం తండ్రి పెద్దకాపు చిన్న రాజేశ్వర్తో మాట్లాడిన తర్వాత, తల్లిదండ్రులు కోడలు మరియు మనవరాలిని తీసుకురావడానికి బయటకు వెళ్లారు. వారు తిరిగి వచ్చేసరికి రవీందర్ రెడ్డి ఇంట్లో ఫ్యాన్కు చీరతో ఉరివేసుకుని కనిపించాడు.
ఈ ఘటనపై సమాచారం అందుకున్న పోలీసులు వెంటనే అక్కడకు చేరుకుని మృతదేహాన్ని పోస్టుమార్టం నిమిత్తం ఆర్మూర్ ప్రభుత్వ ఆసుపత్రికి తరలించారు. మృతుడికి భార్య, కుమార్తె ఉన్నారు. బంధువు ఇచ్చిన ఫిర్యాదు మేరకు కేసు నమోదు చేసి దర్యాప్తు ప్రారంభించినట్లు ఆర్మూర్ ఎస్హెచ్ఓ సత్యనారాయణ గౌడ్ తెలిపారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.
ఇవి కూడా చదవండి :
- ఎర్రచందనం స్మగ్లింగ్ పై ఉక్కుపాదం మోపాలని పవన్ కల్యాణ్ ఆదేశం
- భిక్కనూరు టోల్ ప్లాజా వద్ద రోడ్డు ప్రమాదం: యువకుడు దుర్మరణం
- సాంకేతిక పరిజ్ఞానంతో పోలీసు వ్యవస్థలో మార్పులు తీసుకురావాలి: సీఎం చంద్రబాబు
- పర్వతగిరి మండల యూత్ కాంగ్రెస్ అధ్యక్షుడిపై కేసు నమోదు
- ప్రధాని మోదీ పేరు చెప్పేందుకు రేవంత్ రెడ్డి భయపడుతున్నారు: కేటీఆర్