Alcohol Teaser Review: అల్లరి నరేష్ ‘ఆల్కహాల్’ టీజర్ రివ్యూ

Alcohol Teaser Review: అల్లరి నరేష్ నటిస్తున్న తాజా చిత్రం ‘ఆల్కహాల్’ టీజర్ ప్రేక్షకుల్లో ఆసక్తి రేపుతోంది. మెహర్ తేజ్ దర్శకత్వంలో సితార ఎంటర్టైన్మెంట్స్ బ్యానర్ పై తెరకెక్కుతున్న ఈ సినిమా పేరు కూడా విశేషాన్ని కలిగిస్తోంది. టీజర్ లో అల్లరి నరేష్ మద్యం తాగని వ్యక్తిగా కనిపిస్తాడు. అతని స్నేహితుడు సత్య, అతన్ని ఏ విధంగానైనా మద్యం తాగించాలని ప్రయత్నిస్తాడు. ఆ తర్వాత ఏం జరిగింది అన్నదే సినిమా కథాంశం.

టీజర్ లో ఒక డైలాగ్ ప్రత్యేకంగా నిలుస్తోంది: “మద్యం తాగితే కొట్టి చంపేస్తా” అని చెప్పడంతో ప్రేక్షకుల్లో ఉత్కంఠ పెరుగుతోంది. సినిమా పూర్తిగా మద్యం చుట్టూ తిరుగుతుందని స్పష్టమవుతోంది. దీని ద్వారా మద్యం తాగడం తప్పు అని చెప్పాలనుకుంటున్నారా? లేదా మద్యం వల్ల కలిగే అనర్థాలను చూపించబోతున్నారా? అనే ప్రశ్నలకు సినిమా సమాధానం చెప్పనుంది.

‘ఆల్కహాల్’ అనే ప్రతికూల పదాన్ని టైటిల్ గా పెట్టడం ప్రేక్షకుల్లో ఆసక్తిని రేపుతోంది. ఇది నరేష్ కు మరో డిఫరెంట్ ఇమేజ్ తీసుకురావచ్చు. ఈ దర్శకుడు ఇంతకు ముందు సుహాస్ తో కలిసి ‘ఫ్యామిలీ డ్రామా’ అనే సినిమా చేశారు. ఆ సినిమాకు మంచి స్పందన లభించింది. ఇప్పుడు మరోసారి కొత్త కథాంశంతో ప్రేక్షకుల ముందుకు రావడం విశేషం