మన పత్రిక, సినిమా: ఐకాన్ స్టార్ అల్లు అర్జున్ మరోసారి భారతీయ సంస్కృతిపై తనకున్న గౌరవాన్ని చాటుకున్నారు. జపాన్కు చెందిన గీక్ పిక్చర్స్ సీఈఓ టొమాట్సు కోసానోకు ‘సీతారామ కళ్యాణం’ చిత్రపటాన్ని బహూకరించడం ప్రత్యేకంగా నిలిచింది. శ్రీరామనవమి సందర్భంగా ఈ కానుకను అందించడం ద్వారా భారతీయ సంప్రదాయాలు, ఆధ్యాత్మిక విలువలను ప్రపంచానికి పరిచయం చేయాలన్న సంకల్పాన్ని ఆయన వ్యక్తపరిచినట్లు సమాచారం. ఈ సందర్భంగా శ్రీరాముడి కథ, భారతీయ ఇతిహాసాల ప్రాముఖ్యత గురించి కూడా కోసానోకు వివరించినట్లు తెలుస్తోంది.
సీతారాముల కల్యాణం చిత్రపటం భారతీయ సంస్కృతికి ప్రతీకగా భావించబడుతుంది. అలాంటి పవిత్ర చిత్రాన్ని విదేశీ అతిథికి అందించడం ద్వారా అల్లు అర్జున్ తన ఆధ్యాత్మిక దృక్పథాన్ని, వారసత్వంపై ఉన్న గౌరవాన్ని మరొసారి చాటారు. ఈ చర్యపై అభిమానులు, సినీ వర్గాలు ప్రశంసలు కురిపిస్తున్నాయి. భారతీయ సినిమాలకు అంతర్జాతీయ స్థాయిలో పెరుగుతున్న ఆదరణ మధ్య ఇలాంటి సాంస్కృతిక మార్పిడి కార్యక్రమాలు మరింత ప్రాధాన్యత సంతరించుకుంటున్నాయి.
ఇక సినిమాల విషయానికి వస్తే, అల్లు అర్జున్ ప్రస్తుతం అట్లీ దర్శకత్వంలో ఓ భారీ ప్రాజెక్ట్లో నటిస్తున్నారు. సన్ పిక్చర్స్ నిర్మిస్తున్న ఈ చిత్రం భారీ బడ్జెట్తో తెరకెక్కుతోంది. ఇందులో దీపికా పడుకోణె కథానాయికగా నటిస్తున్నారని సమాచారం. ‘పుష్ప 2’ తర్వాత బన్నీ క్రేజ్ మరింత పెరగడంతో ఈ సినిమాపై అంచనాలు భారీగా ఉన్నాయి.