Nara Rohit Marriage: నారా రోహిత్ పెళ్లిలో కుటుంబంతో మెరిసిన నారా లోకేష్!

మన పత్రిక, వెబ్​డెస్క్: నారా కుటుంబంలో పెళ్లి సందడి నెలకొంది. సోదరుడు నారా రోహిత్ వివాహ వేడుకకు ఐటీ, విద్యాశాఖల మంత్రి నారా లోకేష్ తన కుటుంబంతో సహా హాజరయ్యారు. హైదరాబాద్ అజీజ్‌నగర్‌లోని ‘ద వెన్యూ కన్వెన్షన్’లో ఈ వేడుక ఘనంగా జరిగింది.

ఈ సందర్భంగా నూతన దంపతులు నారా రోహిత్, శిరీషలను లోకేష్ ఆశీర్వదించారు. వారికి పుష్పగుచ్ఛం అందించి, సుఖసంతోషాలతో కూడిన వైవాహిక జీవితం గడపాలని ఆకాంక్షించారు. ఈ వేడుకకు నారా, నందమూరి కుటుంబ సభ్యులు పెద్ద ఎత్తున హాజరయ్యారు. వీరితో పాటు పలువురు సన్నిహితులు, సినీ, రాజకీయ ప్రముఖులు కూడా హాజరై నూతన వధూవరులను ఆశీర్వదించారు.