మన పత్రిక: యూనిఫైడ్ పేమెంట్స్ ఇంటర్ఫేస్ (UPI) ద్వారా రూ. 2,000 కంటే ఎక్కువ మొత్తంలో చెల్లింపులు జరిపినప్పుడు వినియోగదారులపై అదనపు రుసుములు పడతాయనే వార్తలపై స్పష్టత వచ్చింది. సాధారణ కస్టమర్లు చేసే యూపీఐ డిజిటల్ లావాదేవీలపై ఎలాంటి రుసుము విధించబడదు.
2026 అక్టోబర్ 15 నుంచి రూ. 2,000 కంటే ఎక్కువ విలువైన కొన్ని నిర్దిష్ట మర్చంట్ లావాదేవీలకు మాత్రమే నూతన ఫీజు విధానం వర్తించే అవకాశం ఉంది. మెర్చంట్ డిస్కౌంట్ రేట్ (MDR) అని పిలిచే ఈ రుసుమును వ్యాపారుల నుంచి మాత్రమే వసూలు చేస్తారు తప్ప, నేరుగా వినియోగదారుల ఖాతాల నుంచి కట్ చేయరు. ఉదాహరణకు ఒక దుకాణంలో యూపీఐ ద్వారా రూ. 5,000 చెల్లిస్తే, కస్టమర్ రూ. 5,000 మాత్రమే చెల్లిస్తారు.
సాధారణంగా వ్యక్తుల మధ్య జరిగే డిజిటల్ నగదు బదిలీలు, కుటుంబ సభ్యులు లేదా స్నేహితులకు పంపే డబ్బులపై ఎలాంటి ఫీజు ఉండదు. అలాగే రూ. 2,000 వరకు ఉండే వ్యాపార చెల్లింపులు కూడా ఉచితంగానే కొనసాగుతాయి. కాగా ఇంధనం, ఇన్సూరెన్స్, టెలికామ్ మరియు రైల్వే లాంటి కొన్ని నిర్దిష్ట మర్చంట్ కేటగిరీలలో రూ. 2,000 దాటిన లావాదేవీలకు మాత్రమే వ్యాపారుల పరిధిలో నిర్ణీత రుసుము వర్తించవచ్చు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.