మన పత్రిక: ఆంధ్రప్రదేశ్ ప్రభుత్వం ప్రతిష్టాత్మకంగా అమలు చేస్తున్న తల్లికి వందనం పథకం కింద విద్యార్థుల తల్లుల ఖాతాల్లో ఆర్థిక సాయాన్ని జమ చేసే ప్రక్రియను ప్రారంభించింది. 2026-27 విద్యా సంవత్సరానికి గాను మొత్తం రూ. 10,120.78 కోట్లను ప్రభుత్వం లబ్ధిదారుల కోసం కేటాయించింది. రాష్ట్రవ్యాప్తంగా దాదాపు 67,47,190 మంది విద్యార్థులను అర్హులుగా గుర్తించినట్లు ప్రభుత్వం తెలిపింది.
ఈ పథకం ద్వారా విద్యార్థికి ఏడాదికి రూ. 15,000 ఆర్థిక సాయం అందుతుంది. ఇందులో రూ. 13,000 నేరుగా విద్యార్థుల తల్లుల ఖాతాల్లో జమ కానుండగా, మిగిలిన రూ. 2,000 విద్యార్థులు చదువుతున్న పాఠశాల ఖాతాకు వెళ్తాయి. ప్రభుత్వం ఈ నిధులను రెండు విడతల్లో విడుదల చేస్తోంది. తొలి విడతలో ఇప్పటికే పాఠశాలల్లో చదువుతున్న విద్యార్థులకు, రెండో విడతలో ఈ ఏడాది కొత్తగా చేరిన విద్యార్థులకు ఈ సాయం అందనుంది. రాబోయే మూడు రోజుల పాటు ఈ నిధులు లబ్ధిదారుల ఖాతాల్లో జమ కానున్నాయి.
స్టేటస్ తెలుసుకోవడం ఎలా
లబ్ధిదారులు తమ ఖాతాలో డబ్బులు జమ అయ్యాయో లేదో ఆన్లైన్లో సులభంగా తెలుసుకోవచ్చు:
- అధికారిక పోర్టల్ https://bm-sgsw.ap.gov.in/BM/Schemeout ని ఓపెన్ చేయండి.
- హోమ్పేజీలో ‘స్టేటస్ చెక్’ ఆప్షన్ను ఎంచుకోండి.
- స్కీమ్ టైప్లో ‘తల్లికి వందనం’ అని ఎంచుకుని, ఆధార్ నంబర్ను ఎంటర్ చేయండి.
- మీ ఆధార్తో లింక్ అయిన మొబైల్ నంబర్కు వచ్చే ఓటీపీని, క్యాప్చా కోడ్ను నమోదు చేయండి.
- స్క్రీన్పై ‘సక్సెస్’ లేదా ‘పేమెంట్ రిలీజ్డ్’ అని కనిపిస్తే నగదు జమ అయినట్లు అర్థం. ఒకవేళ ‘పెండింగ్’ లేదా ‘ఇన్యాక్టివ్ ఎన్పీసీఐ’ అని వస్తే, మీ బ్యాంక్ ఖాతాకు ఆధార్ లేదా ఎన్పీసీఐ మ్యాపింగ్ పూర్తి కాలేదని అర్థం చేసుకోవాలి.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.