Little hearts telugu movie review: ఈటీవీ విన్ ప్రొడక్షన్స్ నుంచి వస్తున్న మొట్టమొదటి థియేట్రికల్ సినిమా లిటిల్ హార్ట్స్. మౌళి తనూజ్, శివానీ నాగారం జంటగా నటించిన ఈ చిత్రానికి సాయి మార్తాండ్ దర్శకత్వం వహించాడు. సెప్టెంబర్ 5, 2025న గట్టి పోటీ మధ్య విడుదలైన ఈ సినిమా యువతరాన్ని బాగా ఆకట్టుకుంది.
కథ సారాంశం
అఖిల్ ( mouli tanuj prasanth ) చదువుల్లో అంత బాగా రాణించడు. ఎంసెట్ ర్యాంక్ రాకపోవడంతో పేమెంట్ సీట్ ద్వారా ఇంజినీరింగ్ కాలేజీలో చేరాలనుకుంటాడు. కానీ తండ్రి గోపాలరావు ( Rajeev Kanakala ) అతన్ని లాంగ్ టర్మ్ కోచింగ్ కు పంపుతాడు. అదే కోచింగ్ లో కాత్యాయని (శివానీ నాగారం) కూడా చేరుతుంది. తల్లిదండ్రులు డాక్టర్లు కావడంతో ఆమెను కూడా డాక్టర్ చేయాలనేది వారి లక్ష్యం. అక్కడ ఇద్దరు పరిచయమవుతారు. ప్రేమ పెరుగుతుంది. అఖిల్ తన మనసు బయటపెడతాడు. అప్పుడు కాత్యాయని ఓ సీక్రెట్ బయటపెడుతుంది. ఆ మలుపు కథను మారుస్తుంది.
Little hearts telugu review
సాధారణంగా స్కూల్, కాలేజీ నేపథ్యంలో ప్రేమకథలు వస్తుంటాయి. కానీ లిటిల్ హార్ట్స్ కోచింగ్ సెంటర్ నేపథ్యంలో సాగుతుంది. చదువుల్లో అంత బాగా రాణించని పిల్లల ప్రేమకథ ఇది. చాలా సింపుల్ గా ఉన్నా నవ్వులతో కూడిన కథ. ఫస్టాఫ్ లో హీరో హీరోయిన్ దగ్గర కావడానికి చేసే ప్రయత్నాలు, తండ్రి గోపాలరావు (రాజీవ్ కనకాల), స్నేహితుడు మధు (జయకృష్ణ) చేసే సందడి హైలైట్. విరామానికి ముందు కథలో వచ్చే మలుపు ఆసక్తిని పెంచుతుంది.
సెకండాఫ్ నాన్ స్టాప్ హాస్యంతో నిండి ఉంది. హీరో హీరోయిన్ కలిసిన తర్వాత ఇచ్చే సర్ప్రైజులు, ఇంట్లోవాళ్లకు తెలిసిపోవడంతో వచ్చే చిక్కులు, కాత్యాయని పాట చుట్టూ ఉన్న సన్నివేశాలు నవ్విస్తాయి. బాహుబలి రిజల్ట్, హీరో తమ్ముడి అల్లరి వంటి థ్రెడ్స్ కూడా కథను ముందుకు తీసుకెళ్తాయి. చివరి వరకు నవ్వులే నవ్వులు.
నటీనటులు ఎలా చేశారు?
మౌళి తనూజ్ అఖిల్ పాత్రలో అదరగొట్టాడు. యూత్ ఫుల్ కామెడీ, ప్రేమ సన్నివేశాల్లో పర్ఫార్మెన్స్ మెప్పిస్తుంది. శివానీ నాగారం కాత్యాయని పాత్రకు పర్ఫెక్ట్ ఎంపిక. జయకృష్ణ కామెడీ టైమింగ్ సినిమాకు ప్రధాన బలం. రాజీవ్ కనకాల, అనిత చౌదరి, ఎస్ఎస్ కాంచి, సత్య కృష్ణన్ తల్లిదండ్రుల పాత్రల్లో బాగా చేశారు.
సింజిత్ యెర్రమల్లి సంగీతం సినిమాకు ప్రధాన ఆకర్షణ. పాటలు కూడా నవ్విస్తాయి. సూర్య బాలాజీ సినిమాటోగ్రఫీ మెప్పిస్తుంది. శ్రీధర్ సొంపల్లి ఎడిటింగ్, దివ్య పవన్ ఆర్ట్ కూడా బాగున్నాయి. దర్శకుడు సాయి మార్తాండ్ బలమైన రచనతో సింపుల్ కథను ఎంటర్టైనింగ్ గా తీర్చిదిద్దాడు.
చివరి మాట
లిటిల్ హార్ట్స్ ఆద్యంతం నవ్వులే నవ్వులు. కోచింగ్ సెంటర్ నేపథ్యంలో యువతరానికి సన్నిహితంగా ఉండే కథ, నిరంతర హాస్యంతో ప్రేక్షకులను థియేటర్ లో నవ్విస్తూ కాలక్షేపం చేయిస్తుంది. ఇంటి మొత్తం కుటుంబంతో కలిసి ఆస్వాదించే స్వచ్ఛమైన కామెడీ ఎంటర్టైనర్.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.