మన పత్రిక: ఆంధ్రప్రదేశ్ ప్రభుత్వం సినిమా టికెట్ ధరల నిర్ణయాధికారం విషయంలో కీలక మార్పులకు సిద్ధమవుతోంది. ప్రస్తుతం సినిమా విడుదల సమయంలో టికెట్ ధరలను పెంచుకోవడానికి నిర్మాతలు, పంపిణీదారులు ప్రభుత్వం నుండి ప్రత్యేక అనుమతులు పొందాల్సి వస్తోంది. ఈ విధానాన్ని సరళతరం చేస్తూ, కొత్త ప్రభుత్వ ఉత్తర్వును (GO) తీసుకురావాలని ప్రభుత్వం యోచిస్తోంది.
ఈ ప్రతిపాదిత విధానం అమల్లోకి వస్తే, నిర్మాతలు ప్రభుత్వంపై ఆధారపడకుండా నిర్ణీత పరిమితిలోపు టికెట్ ధరలను నిర్ణయించుకునే అవకాశం ఉంటుంది. తెలంగాణలో ఇప్పటికే ఇలాంటి విధానం అమలులో ఉండగా, దానికి సమానమైన లేదా అంతకంటే విస్తృతమైన ధరల శ్రేణితో ఏపీలో అమలు చేసే అంశాన్ని ప్రభుత్వం పరిశీలిస్తోంది. దీనివల్ల అనుమతుల కోసం జరిగే జాప్యం తగ్గి, సినిమా విడుదల ప్రక్రియ మరింత సులభతరం అవుతుందని భావిస్తున్నారు.
ఇటీవల జరిగిన ‘లెనిన్’ సక్సెస్ మీట్ వేదికగా ఈ కొత్త విధానంపై చర్చ జరిగింది. అయితే, ఇప్పటివరకు అధికారిక ఉత్తర్వులు వెలువడలేదు. ప్రభుత్వం తుది నిర్ణయం తీసుకుని అధికారికంగా GO జారీ చేసిన తర్వాతే ధరల పరిమితులు, అమలు తేదీ వంటి పూర్తి వివరాలు వెల్లడి కానున్నాయి.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.