యూట్యూబ్ స్టార్ టు సర్పంచ్..

మన పత్రిక, వెబ్​డెస్క్: సోషల్ మీడియాలో సెలబ్రిటీగా మారి, ఇప్పుడు ప్రజాసేవలో నిమగ్నమయ్యారు ఓ యువతి. షార్ట్ ఫిలింల ద్వారా మంచి గుర్తింపు తెచ్చుకుని, లక్షలాది మంది అభిమానాన్ని సంపాదించిన రజిత.. ఇప్పుడు సర్పంచ్‌గా రాజకీయ అరంగేట్రం చేశారు. యూట్యూబర్‌గా మొదలైన ఆమె ప్రయాణం, నేడు ఓ గ్రామానికి ప్రథమ పౌరురాలిగా ఎన్నికయ్యే స్థాయికి చేరింది.

లభించిన అవకాశాన్ని సద్వినియోగం చేసుకుని సర్పంచ్‌గా ఎన్నికైన రజిత, మీడియాతో తన ఆనందాన్ని పంచుకున్నారు. డిజిటల్ ప్లాట్‌ఫారమ్‌ల ద్వారా ప్రజలతో ఏర్పడిన అనుబంధమే తనకు ఈ విజయాన్ని అందించిందని తెలిపారు. తన గ్రామాన్ని అభివృద్ధి పథంలో నడిపించడమే తన ప్రధాన లక్ష్యమని, యువత కూడా సామాజిక బాధ్యతతో రాజకీయాల వైపు రావాలని ఆమె ఆకాంక్షించారు.