మన పత్రిక: యువ క్రికెటర్ Vaibhav Suryavanshi ఆటతీరుపై భారత మాజీ స్పిన్ బౌలర్ హర్భజన్ సింగ్ ప్రశంసల వర్షం కురిపించారు. జియో హాట్ స్టార్ చర్చా వేదికలో పాల్గొన్న ఆయన సమకాలీన క్రికెట్ గురించి మాట్లాడారు. ఈ సందర్భంగా 15 సంవత్సరాల వైభవ్ సూర్యవంశీ గురించి ప్రత్యేకంగా ప్రస్తావించారు. వైభవ్కు భయం అంటే ఏంటో తెలియదని, అతడు కేవలం బ్యాటర్ మాత్రమే కాదని, ఒక డైనమైట్ అని అభివర్ణించారు.
బంతి ఎలాంటిదైనా సరే వైభవ్ తనదైన శైలిలో షాట్లు ఆడతాడని హర్భజన్ సింగ్ తెలిపారు. తన పరిధిలోకి బంతి వస్తే విశ్వరూపం చూపిస్తాడని, అతని నమ్మకం మరియు విధ్వంసకర బ్యాటింగ్ ముందు ఎంత చెప్పినా తక్కువే అవుతుందని పేర్కొన్నారు. వైభవ్ సూర్యవంశీ చేతుల్లో టీమిండియా భవిష్యత్తు భద్రంగా ఉంటుందని ఆయన వ్యాఖ్యానించారు. అప్పుడప్పుడు అంచనాలను అందుకోలేకపోయినా, మెజారిటీ సమయాల్లో మాత్రం ప్రత్యర్థి బౌలర్లకు శిక్ష విధిస్తాడని చెప్పారు. ఇలాంటి విధ్వంసకర బ్యాటర్లు ఈ మధ్యకాలంలో పెద్దగా కనిపించలేదని హర్భజన్ అభిప్రాయపడ్డారు.
ఇటీవల ఇంగ్లాండ్ సిరీస్లో వైభవ్ సూర్యవంశీ ఆశించిన స్థాయిలో రాణించలేకపోయాడు. భారీ ఇన్నింగ్స్లు ఆడటంలో విఫలం కావడంతో ఇంగ్లాండ్తో జరిగిన ఐదవ టి20 మ్యాచ్లో అతనికి అవకాశం లభించలేదు. అయితే, ఆ తర్వాత జింబాబ్వే సిరీస్కు ఎంపికైన వైభవ్, ఓపెనర్గా బరిలోకి దిగుతున్నాడు. ఈ సిరీస్లో అతడు తన పాత ఫామ్ను అందుకోవాలని అభిమానులు భావిస్తున్నారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.