రణ్‌బీర్ కపూర్, సాయి పల్లవి ప్రధాన పాత్రల్లో నటించిన రామాయణ చిత్రం బాక్సాఫీస్ వద్ద భారీ వసూళ్లతో దూసుకుపోతోంది. దీపావళి కానుకగా నవంబర్ 5న థియేటర్లలోకి వచ్చిన ఈ సినిమా, విడుదలైన మొదటి ఏడు రోజుల్లోనే ప్రపంచవ్యాప్తంగా రూ. 934.55 కోట్లకు పైగా గ్రాస్ కలెక్షన్లను సాధించినట్లు నివేదికలు తెలుపుతున్నాయి.
కేరళ బాక్సాఫీస్ వద్ద కొత్త రికార్డు
భారతదేశంలో తొలి వారంలో ఈ చిత్రం రూ. 511.10 కోట్ల నెట్, రూ. 611.05 కోట్ల గ్రాస్ కలెక్షన్లను నమోదు చేసింది. ఓవర్సీస్ మార్కెట్ల నుంచి రూ. 323.5 కోట్లకు పైగా వసూలు కాగా, బుధవారం ఒక్క రోజే భారత్‌లో రూ. 70.65 కోట్ల నెట్ సాధించింది. అలాగే కేరళలో రూ. 20 కోట్ల గ్రాస్ మార్కును దాటిన మొదటి బాలీవుడ్ చిత్రంగా నిలిచి, ధురంధర్ 2 పేరిట ఉన్న పాత రికార్డును అధిగమించింది.
భారీ తారాగణంతో నితీష్ తివారీ దర్శకత్వం
నితీష్ తివారీ దర్శకత్వంలో తెరకెక్కిన ఈ మైథాలాజికల్ ప్రాంచైజ్ మొదటి భాగంలో రాముడిగా రణ్‌బీర్ కపూర్, సీతగా సాయి పల్లవి, రావణుడిగా యష్ నటించారు. లక్ష్మణుడిగా రవి దూబే, హనుమంతుడిగా సన్నీ డియోల్, శూర్పణఖగా రకుల్ ప్రీత్ సింగ్ మరియు మండోదరిగా కాజల్ అగర్వాల్ కీలక పాత్రల్లో కనిపించారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.