శ్రీవేంకటేశ్వర భక్తి ఛానల్ ప్రసారాలపై అధికారులతో టీటీడీ ఈవో సమీక్ష

మన పత్రిక: శ్రీవేంకటేశ్వర భక్తి ఛానల్ (SVBC) ప్రసారాలు మరింత సృజనాత్మకంగా ఉండాలని, నాణ్యత విషయంలో ఎక్కడా రాజీ పడకూడదని టీటీడీ ఈవో (TTD EO) స్పష్టం చేశారు. ఛానల్ ప్రసారాల తీరుపై ఆయన అధికారులతో ప్రత్యేక సమీక్ష నిర్వహించారు. తిరుమల క్షేత్ర మహత్యాన్ని, వైభవాన్ని చాటిచెప్పేలా నూతన భక్తి కార్యక్రమాలను రూపొందించాలని ఈ సందర్భంగా సూచించారు.

గ్రామీణ ప్రాంతాల ప్రజల్లో భక్తిభావాన్ని పెంపొందించేందుకు ‘మహాలక్ష్మీ దీపపూజ’ కార్యక్రమాన్ని గ్రామస్థాయికి విస్తరించాలని ఈవో ఆదేశించారు. రాబోయే శ్రీవారి బ్రహ్మోత్సవాల సందర్భంగా ప్రముఖ కళాకారులతో ప్రత్యేక సాంస్కృతిక ప్రదర్శనలు ఏర్పాటు చేయాలని అధికారులకు స్పష్టమైన మార్గదర్శకాలు జారీ చేశారు.

Rajendar Degavath

Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.