TET HALL TICKETS డౌన్‌లోడ్ చేసుకోండిలా.. పరీక్ష తేదీలివే

తెలంగాణ ఉపాధ్యాయ అర్హత పరీక్ష (TG TET-2026)కు హాజరయ్యే అభ్యర్థులకు అలర్ట్. టెట్ హాల్ టికెట్లు ఈరోజు విడుదల కానున్నాయి. అభ్యర్థులు కింద ఇచ్చిన లింక్ ద్వారా లేదా అధికారిక వెబ్‌సైట్ నుంచి నేరుగా తమ హాల్ టికెట్లను డౌన్‌లోడ్ చేసుకోవచ్చు. జనవరి 3 నుంచి 20వ తేదీ వరకు కంప్యూటర్ బేస్డ్ (CBT) విధానంలో ఈ పరీక్షలు జరగనున్నాయి.

పరీక్షలను రోజుకు రెండు సెషన్లలో (ఉదయం 9 నుంచి 11.30 వరకు, మధ్యాహ్నం 2 నుంచి 4.30 వరకు) నిర్వహించనున్నారు. ఈసారి టెట్‌కు రికార్డు స్థాయిలో 2,37,754 దరఖాస్తులు వచ్చాయి. ఇందులో పేపర్-2కు అత్యధికంగా 1,52,216 మంది పోటీపడుతుండగా, 1.66 లక్షల మంది ఇన్-సర్వీస్ టీచర్లు కూడా దరఖాస్తు చేసుకోవడం విశేషం.