School Holidays: స్కూళ్లకు 9 రోజులు సెలవులు.. సంక్రాంతి హాలిడేస్ లిస్ట్ ఇదే

తెలంగాణలోని పాఠశాల విద్యార్థులకు ప్రభుత్వం తీపి కబురు చెప్పింది. ఈ ఏడాది సంక్రాంతి పండుగ సందర్భంగా పాఠశాలలకు వరుసగా 9 రోజుల పాటు సెలవులను ఖరారు చేసింది. జనవరి 10 (రెండో శనివారం) నుంచి సెలవులు మొదలై జనవరి 18 (ఆదివారం) వరకు కొనసాగుతాయని, తిరిగి జనవరి 19న బడులు తెరుచుకుంటాయని అధికారులు తెలిపారు.

గత ఏడాది కేవలం ఆరు రోజులు మాత్రమే ఉండగా, ఈసారి శని, ఆదివారాలు కలిసి రావడంతో సెలవుల సంఖ్య పెరిగింది. పొరుగున ఉన్న ఆంధ్రప్రదేశ్‌లో కూడా దాదాపు ఇదే విధంగా 9 రోజులు సెలవులు ప్రకటించారు. ఇవే కాకుండా జనవరి 1న నూతన సంవత్సరం, జనవరి 26న గణతంత్ర దినోత్సవం సందర్భంగా కూడా స్కూళ్లకు సెలవులు ఉండనున్నాయి.