తెలంగాణలో రెండు కొత్త పథకాలు: మైనారిటీ మహిళలకు ₹50,000, ఫకీర్లకు మోపెడ్

తెలంగాణ ప్రభుత్వం మైనారిటీ వర్గాల సంక్షేమం కోసం రెండు కొత్త పథకాలను ప్రారంభించింది ( Telangana Two Welfare Schemes for Minorities ) . సీఎం రేవంత్ రెడ్డి సర్కారు ప్రవేశపెట్టిన ఈ పథకాలు ఒంటరి మహిళలు, వితంతువులు, అనాథలు, అవివాహిత మహిళలు, ఫకీర్, దూదేకుల వంటి వారికి జీవనోపాధి కల్పించనున్నాయి.

మొదటి పథకం ‘ఇందిరమ్మ మైనారిటీ మహిళా యోజన’ ( Indiramma Minority Mahila Yojana ) కింద వితంతువులు, విడాకులు పొందిన మహిళలు, అనాథలు, అవివాహిత మహిళలకు రూ.50,000 ఒకసారి గ్రాంట్ అందిస్తారు. ఇది చిన్న వ్యాపారాలు ప్రారంభించడానికి, స్వయం ఉపాధి కల్పించుకోవడానికి ఉపయోగపడుతుంది.

రెండో పథకం ‘రేవంతన్నా కా సహారా’ ( Revanth Anna ka Sahara-Miskeen la Kosam scheme ) కింద ఫకీర్, దూదేకుల వంటి వెనుకబడిన మైనారిటీ వర్గాలకు రూ.1 లక్ష సహాయం అందిస్తారు. ఈ నిధులతో వారు మోపెడ్ (ద్విచక్ర వాహనం) కొనుగోలు చేసుకోవచ్చు. ఇది వారి జీవనోపాధిని మెరుగుపరుస్తుంది.

ఈ పథకాలకు మొత్తం రూ.30 కోట్లు కేటాయించారు. ఆన్‌లైన్ నమోదు సెప్టెంబర్ 19, 2025 నుండి అక్టోబర్ 6, 2025 వరకు అందుబాటులో ఉంటుంది. ఆసక్తి గల వారు https://tgobmms.cgg.gov.in వెబ్‌సైట్ ద్వారా దరఖాస్తు చేసుకోవచ్చు.