TG News : మున్సిపల్ ఎన్నికల్లో మంత్రులకు ఇంచార్జ్ బాధ్యతలు.. 

మన పత్రిక వెబ్​డెస్క్, హైదరాబాద్: తెలంగాణలో మున్సిపల్ ఎన్నికల నిర్వహణకు రాష్ట్ర మంత్రివర్గం ఇటీవలే గ్రీన్ సిగ్నల్ ఇచ్చిన విషయం తెలిసిందే. ఈ నేపథ్యంలో అధికార కాంగ్రెస్ పార్టీ క్షేత్రస్థాయిలో పట్టు సాధించేందుకు వ్యూహ రచన చేసింది. రాష్ట్రంలోని మెజారిటీ మున్సిపాలిటీలు, కార్పొరేషన్లను కైవసం చేసుకోవడమే లక్ష్యంగా పార్లమెంట్ నియోజకవర్గాల వారీగా మంత్రులకు, సీనియర్ నాయకులకు కీలక బాధ్యతలు అప్పగించింది.

ఎవరికి ఏ బాధ్యత? మున్సిపల్ ఎన్నికల్లో పార్టీ విజయమే లక్ష్యంగా పార్లమెంట్ నియోజకవర్గాలకు నియమించిన ఇంచార్జీల వివరాలు ఇలా ఉన్నాయి:

• నల్గొండ: అట్లూరి లక్ష్మణ్
• భువనగిరి: సీతక్క (ధనసరి అనసూయ)
• ఆదిలాబాద్: టి. సుదర్శన్ రెడ్డి
• మల్కాజిగిరి: కోమటిరెడ్డి వెంకటరెడ్డి
• చేవెళ్ల: దుద్దిళ్ల శ్రీధర్ బాబు
• మెదక్: గడ్డం వివేక్ వెంకటస్వామి
• ఖమ్మం: కొండ సురేఖ
• మహబూబాబాద్: పొన్నం ప్రభాకర్
• మహబూబ్నగర్: దామోదర రాజనర్సింహ
• జహీరాబాద్: మహమ్మద్ అజారుద్దీన్
• నాగర్ కర్నూల్: వాకిటి శ్రీహరి
• నిజామాబాద్: ఉత్తమ్ కుమార్ రెడ్డి
• వరంగల్: పొంగులేటి శ్రీనివాస్ రెడ్డి
• కరీంనగర్: తుమ్మల నాగేశ్వరరావు
• పెద్దపల్లి: జూపల్లి కృష్ణారావు

ఈ నాయకులు తమకు కేటాయించిన పార్లమెంట్ పరిధిలోని మున్సిపాలిటీల్లో పార్టీ విజయం కోసం సమన్వయకర్తలుగా వ్యవహరించనున్నారు. అభ్యర్థుల ఎంపిక నుంచి ప్రచారం వరకు వీరిదే బాధ్యత అని అధిష్టానం స్పష్టం చేసింది.