నేడే తెలంగాణ ఇంటర్ ఫలితాలు.. రిజల్ట్స్ డైరెక్ట్ లింక్స్ ఇవే

TS Telangana Inter 1st 2nd Year Result 2026 tgbie.cgg.gov.in: తెలంగాణలో ఇంటర్ ఫస్ట్ ఇయర్, సెకండ్ ఇయర్ ఫలితాలు నేడు (ఏప్రిల్ 12) ఉదయం 11 గంటలకు విడుదల కానున్నాయి. నాంపల్లిలోని ఇంటర్ బోర్డు కార్యాలయంలో ప్రభుత్వ సలహాదారు కె. కేశవరావు, విద్యాశాఖ సెక్రటరీ యోగితా రాణా ఈ ఫలితాలను అధికారికంగా ప్రకటించనున్నారు. పరీక్షలు ముగిసిన కేవలం 25 రోజుల్లోనే రికార్డు వేగంతో బోర్డు రిజల్ట్స్ సిద్ధం చేయడం విశేషం.

ఈ ఏడాది ఫిబ్రవరి 25 నుంచి మార్చి 18 వరకు జరిగిన పరీక్షలకు రాష్ట్రవ్యాప్తంగా మొత్తం 9,97,075 మంది విద్యార్థులు (ఫస్ట్ ఇయర్: 4,89,126, సెకండ్ ఇయర్: 5,07,949) హాజరయ్యారు. ఫలితాల ప్రకటన అనంతరం విద్యార్థులు అధికారిక వెబ్‌సైట్ల ద్వారా తమ మార్కుల మెమోలను డౌన్‌లోడ్ చేసుకోవచ్చు. ఇంటర్నెట్ సౌకర్యం లేనివారి కోసం IVRS సర్వీస్, SMS ద్వారా కూడా ఫలితాలు తెలుసుకునే సదుపాయాన్ని బోర్డు కల్పించింది.

📱 ఫలితాలు చెక్ చేసుకునే విధానం (సింపుల్ స్టెప్స్):

1. ముందుగా మీ మొబైల్ లేదా కంప్యూటర్‌లో tgbie.cgg.gov.in లేదా results.cgg.gov.in వెబ్‌సైట్‌ను ఓపెన్ చేయండి.
2. హోమ్‌పేజీలో కనిపించే TS Inter Results 2026 (1st Year లేదా 2nd Year) లింక్‌పై క్లిక్ చేయండి.
3. మీ హాల్ టికెట్ నంబర్, పుట్టిన తేదీ (Date of Birth) వివరాలను తప్పులు లేకుండా ఎంటర్ చేసి Submit నొక్కండి.
4. వెంటనే మీ మార్కులు, గ్రేడ్ స్క్రీన్ పై కనిపిస్తాయి. దాన్ని డౌన్‌లోడ్ చేసుకుని ప్రింట్ తీసుకోండి.