తెలంగాణ బీజేపీలో కలకలం… ఎంపీల మధ్య సమన్వయ లోపంపై చర్చ.

మన పత్రిక, వెబ్​డెస్క్: తెలంగాణలో భారతీయ జనతా పార్టీ (BJP) పరిస్థితిపై రాజకీయ వర్గాల్లో ఆసక్తికర చర్చ జరుగుతోంది. రాష్ట్రం నుంచి ఎనిమిది మంది ఎంపీలు గెలిచినప్పటికీ, వారి మధ్య సమన్వయం లోపించిందనే విమర్శలు వినిపిస్తున్నాయి. ముఖ్యంగా ఇటీవల జరిగిన జూబ్లీహిల్స్ ఉపఎన్నికల సమయంలో పార్టీ తీరుపై క్యాడర్ అయోమయానికి గురైంది.

అధిష్టానం రాష్ట్ర రాజకీయాలను అంచనా వేయడంలో, క్షేత్రస్థాయి పరిస్థితులను అర్థం చేసుకోవడంలో విఫలమవుతోందనే వాదనలు ఉన్నాయి. ఎంపీల మధ్య సయోధ్య లేకపోవడం, ఇతర పార్టీలతో పరోక్ష ఒప్పందాలు ఉన్నాయనే ‘కోవర్టు’ ప్రచారాలు పార్టీని ఇబ్బంది పెడుతున్నాయి. మరోవైపు ఎంఐఎం (MIM) వ్యూహాలు కూడా మారుతుండటంతో, రానున్న రోజుల్లో కమలం పార్టీ ఎలాంటి చర్యలు తీసుకుంటుందో వేచి చూడాలి.