Advertisement

సినిమాల్లోకి రావడంపై కమల్ హాసన్ మాటలు గుర్తుచేసుకున్న శ్రుతి

తాను సినీ పరిశ్రమలోకి అడుగుపెట్టడంపై తండ్రి, ప్రముఖ నటుడు కమల్ హాసన్ ఇచ్చిన స్పందనను నటి శ్రుతి హాసన్ ఇటీవల గుర్తుచేసుకున్నారు. అనిశ్చితులతో కూడిన ఈ రంగంలోకి కుమార్తెను ఎలా పంపుతారని ఎవరైనా ప్రశ్నించినప్పుడు, ఆయన దానిని అరేంజ్డ్ మ్యారేజ్‌తో పోల్చి చెప్పారని శ్రుతి వెల్లడించారు.

తెలియని కొత్త కుటుంబంలోకి అమ్మాయిని పంపించే అరేంజ్డ్ మ్యారేజ్ తరహాలో కాకుండా, సినీ పరిశ్రమ తమ కుటుంబానికి ఇప్పటికే బాగా తెలిసిన ప్రపంచమని కమల్ హాసన్ పేర్కొన్నట్లు ఆమె తెలిపారు. సుహాసిని మణిరత్నంతో జరిగిన ఒక ఇంటర్వ్యూ సంభాషణలో శ్రుతి హాసన్ ఈ విషయాలను పంచుకున్నారు. సినిమాపై తనకున్న ఆసక్తితోనే ఈ రంగాన్ని ఎంచుకున్నానని, తన తండ్రి చెప్పిన దృక్పథం ఇప్పటికీ తన మనసులో నిలిచిపోయిందని ఆమె అన్నారు.

Advertisement
Advertisement