RRB JE Notification 2026: రైల్వేలో 4,098 టెక్నికల్ పోస్టులు

ఆర్ఆర్‌బీ జేఈ నోటిఫికేషన్ 2026: రైల్వేలో 4,098 టెక్నికల్ పోస్టులు.. జులై 21న నోటిఫికేషన్!

ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు భారతీయ రైల్వే గుడ్ న్యూస్ చెప్పింది. దేశవ్యాప్తంగా వివిధ రైల్వే జోన్లలో 4,098 టెక్నికల్ పోస్టుల భర్తీకి రైల్వే మంత్రిత్వ శాఖ ఆమోదం తెలిపింది. ఈ ఖాళీల భర్తీకి జులై 21, 2026 నుంచి నోడల్ రైల్వే రిక్రూట్‌మెంట్ బోర్డులు (RRBs) కేంద్ర ఉపాధి నోటిఫికేషన్లు విడుదల చేయనున్నట్లు అధికారిక సర్క్యులర్‌లో పేర్కొన్నారు. అయితే ప్రస్తుతం ఈ నియామకాలకు కేవలం ఆమోదం మాత్రమే లభించింది, పూర్తి అర్హతలు, వయోపరిమితి, దరఖాస్తు తేదీలు త్వరలో వెలువడే నోటిఫికేషన్‌లో ప్రకటించబడతాయి.

ఏయే పోస్టులు భర్తీ చేయనున్నారు?

ఈ నియామకాల ద్వారా మొత్తం 35 సాంకేతిక విభాగాల్లో ఖాళీలను భర్తీ చేయనున్నారు. వీటిలో ప్రధానంగా:

• జూనియర్ ఇంజనీర్ (JE)
• డిపో మెటీరియల్ సూపరింటెండెంట్ (DMS)
• కెమికల్ & మెటలర్జికల్ అసిస్టెంట్ (CMA)
• జూనియర్ ఇంజనీర్ (సిగ్నల్)
• జూనియర్ ఇంజనీర్ (టెలికమ్యూనికేషన్)

విభాగాల వారీగా ప్రధాన ఖాళీల వివరాలు

అధికారిక వివరాల ప్రకారం అత్యధిక పోస్టులు ఈ క్రింది విభాగాల్లో ఉన్నాయి:

• పర్మనెంట్ వే (Permanent Way) – 845 పోస్టులు
• వర్క్స్ డిపార్ట్‌మెంట్ (Works Department) – 470 పోస్టులు
• క్యారేజ్ అండ్ వాగన్ (Carriage & Wagon) – 450 పోస్టులు
• జూనియర్ ఇంజనీర్ (సిగ్నల్) – 197 పోస్టులు
• జూనియర్ ఇంజనీర్ (టెలికామ్) – 79 పోస్టులు

రిజర్వేషన్లు, ఎంపిక విధానం

ఈ నియామకాలలో కేంద్ర ప్రభుత్వ నిబంధనల ప్రకారం ఎస్సీ (SC), ఎస్టీ (ST), ఓబీసీ (OBC), ఈడబ్ల్యూఎస్ (EWS) వర్గాలకు రిజర్వేషన్లు వర్తిస్తాయి. రైల్వే భద్రతను మరింత బలోపేతం చేయడం, సాంకేతిక నిర్వహణను మెరుగుపరచడం, ఉద్యోగులపై పని భారం తగ్గించడం కోసమే ఈ భారీ నియామకాలు చేపడుతున్నారు. RRB నిబంధనల ప్రకారం కంప్యూటర్ ఆధారిత పరీక్ష (CBT), డాక్యుమెంట్ వెరిఫికేషన్, మెడికల్ పరీక్షల ఆధారంగా అభ్యర్థుల ఎంపిక ఉంటుంది.

Rohith

Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.