మన పత్రిక: మార్వెల్ స్టూడియోస్ తమ రాబోయే చిత్రం ‘అవెంజర్స్ డూమ్స్డే’కు సంబంధించి పూర్తి స్థాయి ట్రైలర్ను విడుదల చేసింది. ఈ సినిమాలో రాబర్ట్ డౌనీ జూనియర్ తిరిగి నటిస్తుండటం ప్రేక్షకులలో ఆసక్తిని కలిగిస్తోంది. అయితే, ఆయన ఈసారి ఐరన్ మ్యాన్ పాత్రలో కాకుండా, మార్వెల్ ప్రపంచంలో అత్యంత శక్తివంతమైన విలన్ ‘డాక్టర్ డూమ్’గా కనిపించనున్నారు. ఈ పాత్ర మల్టీవర్స్ యుద్ధంలో ప్రధాన ముప్పుగా మారనుంది.
చిత్రంలో ప్రముఖ నటీనటులు
ఈ సినిమాలో రాబర్ట్ డౌనీ జూనియర్తో పాటు క్రిస్ ఎవాన్స్ కూడా స్టీవ్ రోజర్స్ లేదా కెప్టెన్ అమెరికా పాత్రలో తిరిగి కనిపించడం విశేషం. వీరితో పాటు క్రిస్ హెమ్స్వర్త్ (థోర్), ఆంథోనీ మాకీ (కెప్టెన్ అమెరికా), పాల్ రడ్ (యాంట్-మ్యాన్), పెడ్రో పాస్కల్ (రీడ్ రిచర్డ్స్), వనెసా కిర్బీ (సూ స్టోమ్), జోసెఫ్ క్విన్ (హ్యూమన్ టార్చ్), ఎబోన్ మోస్-బాచ్రాక్ (ద థింగ్) వంటి భారీ తారాగణం నటిస్తోంది. అలాగే పలువురు ఎక్స్-మెన్ పాత్రలు కూడా ఇందులో సందడి చేయనున్నాయి. రుస్సో బ్రదర్స్ దర్శకత్వం వహిస్తున్న ఈ చిత్రం 2026 డిసెంబర్ 18న ప్రపంచవ్యాప్తంగా థియేటర్లలో విడుదల కానుంది.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.