మన పత్రిక: మాస్ మహారాజా రవితేజ ప్రధాన పాత్రలో నటించిన ఎమోషనల్ ఫ్యామిలీ డ్రామా ‘ఇరుముడి’ బాక్సాఫీస్ వద్ద విజవంతంగా ప్రదర్శితమవుతోంది. శివ నిర్వాణ దర్శకత్వం వహించిన ఈ చిత్రానికి ప్రేక్షకుల నుంచి లభిస్తున్న మద్దతుతో వసూళ్లు స్థిరంగా కొనసాగుతున్నాయి. తెలుగు రాష్ట్రాల్లోని పలు థియేటర్లలో హౌస్ఫుల్ కాంబినేషన్లతో షోలు నడుస్తున్నాయి.
మూడో రోజైన ఆదివారం ఈ సినిమాకు ప్రేక్షకుల నుంచి భారీ స్పందన లభించింది. ప్రముఖ టికెటింగ్ ప్లాట్ఫామ్ బుక్మైషో (BookMyShow) సమాచారం ప్రకారం, ఆదివారం ఒక్క రోజే 4.05 లక్షలకు పైగా టికెట్లు అమ్ముడయ్యాయి. మొదటి రెండు రోజుల్లోనే రూ.50 కోట్ల గ్రాస్ వసూలు చేసిన ఈ సినిమా, బుక్మైషో మరియు డిస్ట్రిక్ట్ ప్లాట్ఫామ్ల ద్వారా ఇప్పటివరకు మొత్తం 25 లక్షలకు పైగా టికెట్ల అమ్మకాలను నమోదు చేసింది. సోమవారం కూడా టికెట్ బుకింగ్స్ బలంగా ఉండటంతో ఈ చిత్రం ముందుముందు మరిన్ని మైలురాళ్లను సాధించే అవకాశం ఉంది.
మైత్రీ మూవీ మేకర్స్ పతాకంపై రూపుదిద్దుకున్న ఈ చిత్రంలో ప్రియా భవానీ శంకర్, బేబీ నక్షత్ర, సాయి కుమార్, అజయ్ ఘోష్ ముఖ్య పాత్రలు పోషించారు. జి.వి. ప్రకాష్ కుమార్ ఈ సినిమాకు సంగీతం అందించారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.