October Telugu Movies: ఇడ్లీ కొట్టు, కాంతార చాప్టర్ 1, OTT రిలీజ్‌లు

అక్టోబర్‌ నెల సినిమా ప్రేక్షకులకు రుచికరమైన మెనూ అందిస్తోంది. ధనుష్‌-నిత్యా మేనన్‌ జంటగా నటించిన ‘ఇడ్లీ కొట్టు’, రిషబ్‌ శెట్టి హీరోగా నటించిన ‘కాంతార: చాప్టర్ 1’ థియేటర్లలో విడుదలవుతున్నాయి. అలాగే, ‘లిటిల్ హార్ట్స్’, ‘మదరాసి’ లాంటి చిత్రాలు ఓటీటీలో స్ట్రీమింగ్ కానున్నాయి.

Idli Kottu Movie

పల్లెటూరి కథలతో మనసు గెలుచుకునే ధనుష్‌ తన స్వంత దర్శకత్వంలో తెరకెక్కించిన ‘ఇడ్లీ కొట్టు’ ( Idli Kottu ) అక్టోబర్ 1న థియేటర్లలో విడుదలవుతోంది. డాన్ పిక్చర్స్ నిర్మాణంలో రూపొందిన ఈ చిత్రంలో ధనుష్‌ ఉద్యోగం వదిలి, తండ్రి వారసత్వంగా ఇడ్లీ కొట్టు నడుపుతున్న సాధారణ వ్యక్తి పాత్రలో కనిపిస్తాడు. గ్రామీణ నేపథ్యం, ‘తిరు’ తర్వాత ధనుష్-నిత్యా మేనన్ కలిసి నటించడంతో సినిమాపై అంచనాలు ఎక్కువగా ఉన్నాయి.

Kantara: A Legend Chapter-1

మరోవైపు, విజయవంతమైన ‘కాంతార’ చిత్రానికి ప్రీక్వెల్‌గా రిషబ్‌ శెట్టి స్వయంగా దర్శకత్వం వహించిన ‘కాంతార: చాప్టర్ 1’ ( Kantara Chapter 1 ) అక్టోబర్ 2న థియేటర్లలో విడుదలవుతోంది. హోంబలే ఫిల్మ్స్ నిర్మాణంలో రూపొందిన ఈ మైథలాజికల్ యాక్షన్ థ్రిల్లర్‌లో రుక్మిణీ వసంత్ కథానాయికగా నటిస్తోంది. ట్రైలర్‌లో ఈశ్వరుడి అవతారంలో త్రిశూలంతో రిషబ్‌ కనిపించడం ఆసక్తిని రేకెత్తిస్తోంది. అజనీశ్‌ లోక్‌నాథ్‌ సంగీతం ఈ చిత్రానికి బలం చేకూరుస్తోంది.

Little Hearts OTT Release Date

ఓటీటీ వేదికలపై కూడా వినోదం ముందుకు వస్తోంది. ‘లిటిల్ హార్ట్స్’ ( Little Hearts ) అక్టోబర్ 1 నుంచి ఈటీవీ విన్‌లో స్ట్రీమింగ్ కానుంది. ఈ చిత్రం థియేటర్లలో ప్రేక్షకులను నవ్వించిన విషయం తెలిసిందే. ఇప్పుడు ఎక్స్‌టెండెడ్ కట్‌తో ఓటీటీలో అభిమానులను ఆకట్టుకుంటుంది.

Madharasi Telugu Movie

ఏఆర్‌ మురుగదాస్‌ దర్శకత్వంలో శివ కార్తికేయన్‌ నటించిన ‘మదరాసి’ ( Madharasi ) కూడా అక్టోబర్ 1 నుంచి అమెజాన్ ప్రైమ్ వీడియోలో స్ట్రీమింగ్ కానుంది. ఈ యాక్షన్ థ్రిల్లర్ థియేటర్లలో పాజిటివ్ టాక్ సొంతం చేసుకుంది.

ఇంకా, నెట్‌ఫ్లిక్స్‌లో అక్టోబర్ 2న ‘ది గేమ్’ (తమిళ్), ‘ఇఫ్’ (ఇంగ్లీష్), ‘జీనీ మేక్ విష్’ (కొరియన్) విడుదలవుతున్నాయి. అమెజాన్ ప్రైమ్ వీడియోలో ‘ప్లే డర్టీ’ అక్టోబర్ 1న వస్తోంది. సోనీలివ్‌లో ‘థర్టీన్త్’ (హిందీ సిరీస్) అక్టోబర్ 1న స్ట్రీమింగ్ కానుంది. జియో హాట్‌స్టార్‌లో ‘అన్నపూరణి’ అక్టోబర్ 1న విడుదలవుతోంది.