Risabh Pant : రిషభ్ పంత్ రావడంతో సర్ఫరాజ్ ఖాన్‌కు ఎస‌రు.

ఇటీవల ప్రకటించిన India A Team ఇండియా ‘ఏ’ జట్టు జాబితాలో యువ బ్యాటర్ సర్ఫరాజ్ ఖాన్ (Sarfaraz Khan) పేరు లేకపోవడం అభిమానుల్లో చర్చకు దారితీసింది. దక్షిణాఫ్రికా ‘ఏ’తో జరగనున్న రెండు నాలుగు రోజుల మ్యాచ్‌లకు ఎంపికైన ఈ జట్టులో రిషభ్ పంత్ కెప్టెన్‌గా తిరిగి వస్తుండటం, సర్ఫరాజ్‌ను తప్పించడానికి ప్రధాన కారణంగా తెలుస్తోంది.

Risabh Pant పంత్ రీ-ఎంట్రీతో జట్టులో మార్పులు

పంత్ (Risabh Pant ) గాయాల తర్వాత మొదటిసారిగా పోటీ ఆటల్లోకి తిరిగి వస్తున్నాడు. అతనిని ఈ రెండు మ్యాచ్‌లకు కెప్టెన్‌గా (Indian Captain) ఎంపిక చేశారు. రిపోర్టుల ప్రకారం, పంత్ ఐదో స్థానంలో బ్యాటింగ్ చేయనున్నాడు — అదే స్థానం కోసం సర్ఫరాజ్ కూడా పోటీ పడుతున్నాడు. పంత్ ఇప్పటికే భారత టెస్ట్ జట్టులో స్థిరమైన ఆటగాడిగా ఉన్నందున, సర్ఫరాజ్‌కు ఆ స్లాట్‌లో అవకాశం లేకుండా పోయింది.

సెలెక్టర్ల అభిప్రాయం ప్రకారం, సర్ఫరాజ్‌ను భవిష్యత్తులో భారత జట్టులో ఆడే స్థానంలోనే ప్రయత్నించాలి. ప్రస్తుతానికి ఆ స్థానం — వన్‌డౌన్ (నంబర్ 3) — స్థానంగా గుర్తించారు. ఆ స్లాట్ ప్రస్తుతం గుజరాత్ టైటాన్స్ బ్యాటర్ బి. సాయి సుధర్షన్ వద్ద ఉంది. అతనిని ఇండియా ‘ఏ’ జట్టులో పంత్‌కు ఉప కెప్టెన్‌గా నియమించారు.

Sarfaraz Khan సర్ఫరాజ్‌కు సెలెక్టర్ల సూచన

ముంబై బ్యాటర్ సర్ఫరాజ్ ఇటీవల తన ఫిట్‌నెస్‌పై దృష్టి పెట్టి 17 కిలోల బరువు తగ్గించాడు. అయినా కూడా, సెలెక్టర్లను పూర్తిగా ఆకట్టుకోలేకపోయాడు. పిటిఐ రిపోర్ట్ ప్రకారం, అతనికి రంజీ ట్రోఫీలో మూడో స్థానంలో బ్యాటింగ్ చేయాలని సూచించారు. ఇది అతని ఇండియా ‘ఏ’ మరియు సీనియర్ జట్టులో అవకాశాలను పెంచుతుందని భావిస్తున్నారు.

ఒక మాజీ సెలెక్టర్ మాట్లాడుతూ, “సర్ఫరాజ్ ముంబై జట్టు మేనేజ్‌మెంట్‌తో, ముఖ్యంగా అజింక్య రహానేతో మాట్లాడి, నంబర్ 3లో బ్యాటింగ్ చేయాలని ప్రయత్నించాలి. ఐదో లేదా ఆరో స్థానంలో కొనసాగితే అతనికి అవకాశం తక్కువ. ఆ స్లాట్‌లలో ఇప్పటికే రిషభ్ పంత్, వాషింగ్టన్ సుందర్, రవీంద్ర జడేజా, నితీశ్ రెడ్డి లాంటి ఆల్‌రౌండర్లు ఉన్నారు,” అని పేర్కొన్నారు.

భవిష్యత్తు ప్రణాళికలు

భారత టెస్ట్ జట్టులో ప్రస్తుతం మొదటి నాలుగు స్థానాలు స్థిరంగా ఉండగా, ఐదు నుంచి ఎనిమిది స్థానాలు ఆల్‌రౌండర్లకు కేటాయించబడ్డాయి. అందువల్ల సర్ఫరాజ్ ఖాన్ తన కెరీర్‌లో ముందడుగు వేయాలంటే, కొత్త స్లాట్‌ను స్వీకరించడం తప్ప మార్గం లేదని నిపుణులు సూచిస్తున్నారు.