సినిమా: ‘‘నటుడిగా నాకెంతో సంతృప్తిని, గౌరవాన్ని అందించిన సినిమా ‘ఇరుముడి’. ఈ చిత్ర విజయానికి, నాకు లభించిన పేరు ప్రఖ్యాతలకు పూర్తి క్రెడిట్ దర్శకుడు శివ నిర్వాణకే చెందుతుంది’’ అని కథానాయకుడు రవితేజ అన్నారు. రవితేజ, ప్రియా భవానీ శంకర్ జంటగా శివ నిర్వాణ దర్శకత్వంలో తెరకెక్కిన ఈ చిత్రాన్ని మైత్రీ మూవీ మేకర్స్ నిర్మించింది. ఇటీవల విడుదలైన ఈ చిత్రం విజయం సాధించిన సందర్భంగా గురువారం రాత్రి హైదరాబాద్లో విజయోత్సవ వేడుకను నిర్వహించారు. ఈ కార్యక్రమానికి అనిల్ రావిపూడి, గోపీచంద్ మలినేని, బుచ్చిబాబు సానా ముఖ్య అతిథులుగా హాజరై చిత్ర బృందానికి, డిస్ట్రిబ్యూటర్లకు షీల్డ్స్ అందజేశారు.
ఈ సందర్భంగా రవితేజ మాట్లాడుతూ.. ‘‘హిట్లు, ఫ్లాప్లు వస్తుంటాయి. కానీ ఈ సినిమా నాకెంతో గౌరవాన్ని తెచ్చిపెట్టింది. జీవీ ప్రకాష్ సంగీతం ఈ చిత్రానికి ఆత్మగా నిలిచింది. ఈ సినిమా కోసం చేసినన్ని నైట్ షూట్లు నేనెప్పుడూ చేయలేదు. శివ నిర్వాణ నిజంగా పని రాక్షసుడు’’ అని ప్రశంసించారు. దర్శకుడు అనిల్ రావిపూడి మాట్లాడుతూ.. ప్రేక్షకులకు ఈ సినిమా ఒక పండగలా మారిందన్నారు. శివ నిర్వాణ మాట్లాడుతూ.. తెలుగు ప్రజలంతా ఈ చిత్రాన్ని సొంతం చేసుకోవడం చాలా ఆనందంగా ఉందని తెలిపారు. ఈ వేడుకలో నిర్మాతలు నవీన్ యెర్నేని, రవిశంకర్, కోనా వెంకట్, టీజీ విశ్వప్రసాద్, సాయికుమార్ తదితరులు పాల్గొన్నారు.
Lavanya is a content writer at Mana Patrika, covering useful updates and information for Telugu readers. She writes about education, jobs, current affairs, technology, entertainment, and other topics that are relevant to everyday readers. Her focus is on presenting information in a clear, simple, and easy-to-understand way.