రేపటి నుంచి ఇంటింటికి తెలుగుదేశం కార్యక్రమం ప్రారంభం

మన పత్రిక: రేపటి నుంచి ‘ఇంటింటికి తెలుగుదేశం’ కార్యక్రమాన్ని ప్రారంభించనున్నట్లు టీడీపీ రాష్ట్ర అధ్యక్షుడు పల్లా శ్రీనివాసరావు వెల్లడించారు. ఎన్డీయే ప్రభుత్వ రెండేళ్ల పాలనలో సాధించిన విజయాలను ప్రజల్లోకి తీసుకెళ్లడమే లక్ష్యంగా ఈ ప్రచారాన్ని చేపడుతున్నట్లు ఆయన తెలిపారు. ఈ కార్యక్రమం మొత్తం 45 రోజుల పాటు కొనసాగుతుందని పేర్కొన్నారు.

ఈ ప్రచారంలో భాగంగా సూపర్-6 హామీల అమలు తీరును ప్రజలకు వివరిస్తామని చెప్పారు. గత ప్రభుత్వ పాలనకు, ప్రస్తుత ఎన్డీయే ప్రభుత్వ పాలనకు మధ్య ఉన్న తేడాలను ప్రజలకు స్పష్టంగా వివరించాలని పార్టీ శ్రేణులకు ఆయన పిలుపునిచ్చారు. అంతేకాకుండా, ఈ ఇంటింటి ప్రచారంలో ప్రజల సమస్యలను, వారి సూచనలను ప్రత్యక్షంగా స్వీకరించనున్నట్లు వెల్లడించారు.

Rajendar Degavath

Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.