మన పత్రిక, వెబ్డెస్క్ : ఇంటెలిజెన్స్ బ్యూరో (IB) జూనియర్ ఇంటెలిజెన్స్ ఆఫీసర్ గ్రేడ్-II/టెక్ (JIO-II/Tech) పోస్టుల భర్తీకి అధికారిక నోటిఫికేషన్ 2025 విడుదల చేసింది. మొత్తం 394 ఖాళీలను భర్తీ చేయనున్నారు. ఆన్లైన్ దరఖాస్తు ప్రక్రియ ఆగస్టు 23, 2025 నుంచి ప్రారంభమై, సెప్టెంబర్ 14, 2025 రాత్రి 11:59 గంటలకు ముగుస్తుంది.
అర్హత కలిగిన అభ్యర్థులు ఎంజినీరింగ్ డిప్లొమా, B.Tech, B.Sc (ఎలక్ట్రానిక్స్, కంప్యూటర్ సైన్స్), BCA లలో ఏదైనా ఉండాలి. వయోపరిమితి 18 నుంచి 27 ఏళ్ల మధ్య ఉండాలి (సెప్టెంబర్ 14, 2025 నాటికి). రిజర్వేషన్ వర్గాలకు వయస్సులో సడలింపు వర్తిస్తుంది.
ఎంపిక ప్రక్రియలో మూడు దశలు ఉంటాయి: టైర్-I (ఆన్లైన్ పరీక్ష), టైర్-II (స్కిల్ టెస్ట్), టైర్-III (ఇంటర్వ్యూ/వ్యక్తిత్వ పరీక్ష). జూనియర్ ఇంటెలిజెన్స్ ఆఫీసర్ జీతం ₹25,500 – ₹81,100 (పే మ్యాట్రిక్స్ లెవల్-4) ఉంటుంది. అదనంగా ప్రత్యేక సెక్యూరిటీ అలవెన్స్ (SSA) మరియు ఇతర ప్రయోజనాలు లభిస్తాయి.
దరఖాస్తు ఫీజు సాధారణ వర్గం పురుషులకు ₹650 (ప్రాసెసింగ్ ఫీజు ₹550 + పరీక్ష ఫీజు ₹100). మహిళలు, SC/ST, OBC మరియు ఇతర రిజర్వేషన్ వర్గాలకు కేవలం ₹550 మాత్రమే.
అభ్యర్థులు అధికారిక నోటిఫికేషన్ PDF డౌన్లోడ్ చేసుకొని, పూర్తి వివరాలకు అధికారిక వెబ్సైట్లో సందర్శించాలి:
https://www.ncs.gov.in లేదా https://www.mha.gov.in
IB Jio Important Dates 2025
| EVENTS | DATES |
|---|---|
| IB JIO నోటిఫికేషన్ విడుదల తేదీ | ఆగస్టు 22, 2025 |
| దరఖాస్తు ప్రారంభ తేదీ | ఆగస్టు 23, 2025 |
| దరఖాస్తు చివరి తేదీ | సెప్టెంబర్ 14, 2025 (రాత్రి 11:59) |
| అప్లికేషన్ ఫీజు చెల్లింపు చివరి తేదీ | సెప్టెంబర్ 14, 2025 |
- నల్గొండ జిల్లా నాంపల్లి వద్ద రోడ్డు ప్రమాదం: ముగ్గురు మృతి
- మార్చి 22న రైతు భరోసా నిధుల విడుదల: సిద్దిపేటలో సీఎం ప్రారంభం
- బెంగళూరు: 2 నిమిషాలు లేటని విద్యార్థికి ఎండలో శిక్ష
- ఇరాన్ క్షిపణి దాడులు: దుబాయ్ ఎయిర్పోర్ట్ మూసివేత
- సినిమాను దెబ్బతీయడానికే మోనాలిసా పెళ్లి: దర్శకుడు సనోజ్