జీహెచ్ఎంసీలో ఔట్‌సోర్సింగ్ ఉద్యోగాలు.. నవంబర్ 8 డెడ్‌లైన్!

మన పత్రిక, వెబ్​డెస్క్: గ్రేటర్ హైదరాబాద్ మున్సిపల్ కార్పొరేషన్ (GHMC) మరియు ఇతర అర్బన్ లోకల్ బాడీస్‌లో ఔట్‌సోర్సింగ్ పద్ధతిలో ఉద్యోగాల భర్తీకి నోటిఫికేషన్ విడుదలైంది. ఈ నియామక ప్రక్రియను నేషనల్ అకాడమీ ఆఫ్ కన్‌స్ట్రక్షన్ (NAC) చేపట్టనుంది.

ఈ నోటిఫికేషన్ ద్వారా మొత్తం 55 పోస్టులను భర్తీ చేస్తున్నారు, ఇందులో 40 సైట్ ఇంజనీర్, 15 జూనియర్ ప్లానింగ్ ఆఫీసర్ పోస్టులు ఉన్నాయి. సైట్ ఇంజనీర్ పోస్టుకు బీఈ/బీటెక్, జూనియర్ ప్లానింగ్ ఆఫీసర్ పోస్టుకు BArch/BPlan అర్హత ఉండాలి.

వయోపరిమితి 21 నుంచి 44 ఏళ్ల మధ్య ఉండాలి. ఆసక్తి గల అభ్యర్థులు నవంబర్ 08 లోపు nac.edu.in వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి. దరఖాస్తుకు ఎలాంటి ఫీజు లేదు.