GHMC ఉద్యోగులకు జాక్‌పాట్.. విలీన ప్రాంతాల్లో 24% HRA అమలు.

మన పత్రిక, వెబ్​డెస్క్: తెలంగాణ ప్రభుత్వ ఉద్యోగులకు రేవంత్ రెడ్డి సర్కార్ తీపి కబురు అందించింది. గ్రేటర్ హైదరాబాద్ మున్సిపల్ కార్పొరేషన్ (GHMC)లో విలీనమైన చుట్టుపక్కల మున్సిపాలిటీలు, ప్రాంతాల్లో పనిచేస్తున్న ఉద్యోగులకు తక్షణమే 24% ఇంటి అద్దె భత్యం (HRA) అమలు చేయాలని ఉత్తర్వులు జారీ చేసింది.

ఇటీవల ప్రభుత్వం శివారు మున్సిపాలిటీలను GHMCలో విలీనం చేసిన విషయం తెలిసిందే. అయితే, ఈ ప్రాంతాల్లోని ఉద్యోగులకు హెచ్‌ఆర్‌ఏ పెంపు వర్తింపజేయాలని తెలంగాణ గెజిటెడ్ ఆఫీసర్స్ (TGOs) ప్రభుత్వాన్ని కోరారు. వారి విజ్ఞప్తిపై సానుకూలంగా స్పందించిన ప్రభుత్వం.. తాజా ఉత్తర్వుల ద్వారా 24 శాతం హెచ్‌ఆర్‌ఏను ఖరారు చేసింది. దీంతో వేలాది మంది ఉద్యోగులకు లబ్ధి చేకూరనుంది.